ಡೂಪ್ಲಿಕೇಟ್ ಆರ್‌ಟಿಸಿ ಕೊರ್ದು ಜಾಮೀನ್ – ಆರೋಪಿ ಅರೆಸ್ಟ್

Last updated on November 8th, 2025 at 03:48 pm

ಕುಡ್ಲ, ನ. 08: ನ್ಯಾಯಂತಡೆಡ್ ಜಾಮೀನ್ ಗೆತೊನರ ಡೂಪ್ಲಿಕೇಟ್ ಆರ್‌ಟಿಸಿ ಕೊರ್ತಿನ ಆರೋಪಡ್ ಆರೋಪಿನ್ ಪೊಲೀಸೆರ್ ಕೈದ್ ಮಲ್ತ್‌ದೆರ್.
ಕೈದಾತಿನಾಯನ್ ಪುತ್ತೂರು ನಿವಾಸಿ ಅಬ್ದುಲ್ ಹಾಶೀಮ್ (34) ಪನ್ದ್ ಗುರ್ತ ಪತ್ತ್‌ದೆರ್.

ಪುತ್ತೂರು ನಿವಾಸಿ ಒರಿಯನ ಪುದರ್‌ಡ್ ಇಪ್ಪುನ ಜಾಗೆದ ಆರ್‌ಟಿಸಿನ್ ತನ್ನ ಪುದರ್ದ ಜಾಗೆದ ಆರ್‌ಟಿಸಿ ಪನ್ದ್ ನಂಬಾದ್, ಮಾನ್ಯ ಪ್ರಧಾನ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾಧೀಶೆರ್ ಮಂಗಳೂರು ಜಿಲ್ಲೆ ಮಂಗಳೂರು ನ್ಯಾಯಂತಡೆ ಮೆರೆಗ್ ಕೊರ್ದು ಆರೋಪಿಗ್ ಜಾಮೀನ್ ಕೊರ್ಪುಲೆಕ ಮಲ್ತ್‌ದ್ ದಗೆ ಮಲ್ದಿನ ಪ್ರಕರಣೊಗು ಸಂಬಂಧಿತ್‌ದ್, ಉಬಾರ್ ಸ್ಟೇಷನ್‌ಡ್ ಅ.ಕ್ರ 84/2025 ಕಲಂ 417, 419, 467, 468, 471 ಐ. ಪಿ. ಸಿ ಪ್ರಕರಣ ದಾಕಲಾತ್ಂಡ್.

ಈ ಪ್ರಕರಣೊದ ಜಡ್ತೆ ನಡತಿತ್ತ್‌ದ್, ಪ್ರಕರಣೊಡು ಡೂಪ್ಲಿಕೇಟ್ ದಾಕಲೆ ಉಂಡುಮಲ್ತ್‌ದ್ ಪಿರ್ಯಾದುದಾರೆ ಪನ್ದ್ ಪನೊಂದು, ಫೋರ್ಜರಿ ಸೈನ್ ಪಾಡ್ದ್ ನ್ಯಾಯಂತಡೆಗ್ ದಗೆ ಮಲ್ಪುನ ಉದ್ದೇಶೊಡು, ಭದ್ರತಾ ಪತ್ರೊನು ಕೊರ್ತಿನ ಆರೋಪಿ ಅಬ್ದುಲ್ ಹಾಶೀಮ್ ಪನ್ಪಿನಾಯನ್ ತೇದಿ 06.11.2025 ತಾನಿ ದಸ್ತಗಿರಿ ಮಲ್ತ್‌ದ್ ಮಾನ್ಯ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್‌ದ್, ಆರೋಪಿಗ್ ನ್ಯಾಯಂತಡೆ ನ್ಯಾಯಾಂಗ ಕೈದ್ ಕೊರ್ತುಂಡು.