ತುಳು ಬಾಸೆಗಾದ್ ರೋಡುಗು ಜತ್ತ್ ತುಳುವೆರೆ ಪೊರುಂಬಾಟ!

Last updated on October 10th, 2022 at 11:55 am

ತುಳು ಬಾಸೆಗ್ ಬೋಡಾಪಿನ ಮಾನಾದಿಗೆ ರಾಜ್ಯ ಬಾಸೆ ತಾನಮಾನೊ ಬೊಕ್ಕ ತುಳುನಾಡ್ ದ ಮಿತ್ತ್ ಕನ್ನಡ ಹೇರಿಕೆ ಉಂತಾವೊಡು ಪನ್ದ್ ತುಳುವೆರ್ ಮಾತೆರ್ ಸೇರ್ದ್ ತುಳು ಕೊಡಿ ಬೊಕ್ಕ ತುಳು ಬರವುದ ಪಲವೆಲೆನ್ ಪತೊಂಡು ಕುಡ್ಲದ ಕ್ಲಾಕ್ ಟವರ್ದಲ್ಪ ಪ್ರತಿಭಟನೆ ಮಲ್ತೆರ್.

ಈ ಪ್ರತಿಭಟನೆಗ್ ತುಳು ಚಿತ್ರರಂಗೊದಕುಲುಲಾ ಬೆರಿಬಲ ಕೊರಿಯೆರ್ ಮಾತ್ರ ಅತ್ತಂದೆ ಅಕುಲು ಬತ್ತ್’ದ್ ತುಳು ಪೊರುಂಬಾಟೊಗು ನಮ ಉಲ್ಲ ಪನ್ದ್ ತುಳುವೆರೆಗ್ ಉಮೇದ್ ಕೊರಿಯೆರ್.

ಕುಡ್ಲ ಕ್ಲಾಕ್ ಟವರ್ದಲ್ಪ 400ರ್ದ್ ಲಾ ದಿಂಜ ಜನ ಸೇರ್ದ್ ಈ ಪ್ರತಿಭಟನೆ ಮಲ್ತೆರ್. ತುಳುವೆರ್ ಕಾಲಿ ಸೋಶಿಯಲ್ ಮೀಡಿಯಾಡ್ ಪಾತೆರುವೆರ್, ರೋಡುಗು ಜಪ್ಪುಜೆರ್ ಪನೊಂದಿತ್ತಿನಕಲೆಗ್ ಕೆಪ್ಪೆಗ್ ದೀಯಿನಲೆಕ್ಕ ಇನಿ ಜವನೆರ್ ತುಳುಕಾದ್ ಒಂಜಾತೆರ್