Last updated on November 13th, 2025 at 08:57 am
ದೆಲ್ಲಿ, ನ. 13: ಕೆಂಪು ಕೋಟೆದ ಕೈತಲ್ ಬಾಂಬ್ ಸ್ಫೋಟ ಮಲ್ದಿನ ಡಾ. ಉಮರ್ ಪನ್ದ್ ಅಧಿಕೃತವಾದ್ ದೃಢ ಆತ್ಂಡ್.
ಐ20 ಕಾರ್ ಬುಡೊಂದು ಬತ್ತಿನಾಯೆ ಉಮರ್ ಪನ್ದ್ ತನಿಖಾಧಿಕಾರಿಲು ದುಂಬೇ ಅಂದಾಜಿ ಮಲ್ತಿತ್ತೆರ್. ಆಂಡಲಾ ದುಂಬಗ್ ಚಾರ್ಜ್ಶೀಟ್ ಸಂದಾನಗ ಸೈದಿನಾಯೆ ಉಮರ್ ಪನ್ಪಿನ ವೈಜ್ಞಾನಿಕ ದಾಕಲೆದ ಅಗತ್ಯ ಇತ್ತ್ಂಡ್. ಅಂಚಾದ್ ಪುಲ್ವಾಮಾಡ್ ಇಪ್ಪುನ ಉಮರ್ ಇಲ್ಲದಕ್ಲೆನ ಡಿಎನ್ಎ ಒಟ್ಟುಮಲ್ತಿತ್ತೆರ್.
ಸ್ಫೋಟರ್ದ್ ಬೊಕ್ಕ ಉಮರ್ನ ಕಾರ್, ಸ್ಟೀರಿಂಗ್ ವೀಲ್ ಬೊಕ್ಕ ಆಕ್ಸಿಲರೇಟರ್ದ ನಡುಟು ತಿಕಲೊಂದಿತ್ತ್ಂಡ್. ಡಿಎನ್ಎ ಮಾದರಿ ಉಮರ್ನ ಅಪ್ಪೆನ ಮಾದರಿದೊಟ್ಟುಗು ಒಂಬೊಂದುಂಡು ಪನ್ದ್ ದೆಹಲಿ ಪೊಲೀಸ್ ಮೂಲೊಲು ತೆರಿಪಾದ. ದೆಹಲಿ ಸ್ಫೋಟದ ಪ್ರಮುಖ ಶಂಕಿತ ಆರೋಪಿ ಉಮರ್ ನಬಿ ಶ್ರೀನಗರೊರ್ದು MBBS ಬೊಕ್ಕ MD ಪದವಿ ಗೆತೊಂದು 2023ಟ್ ಕಾಶ್ಮೀರದ ಅನಂತ್ನಾಗ್ದ ಸರ್ಕಾರಿ ಆಸ್ಪತ್ರೆಡ್ ಎಸ್ಆರ್ ಆದ್ ಬೇಲೆ ಮಲ್ತೊಂದಿತ್ತೆ.