Last updated on November 17th, 2025 at 06:46 am
ಕುಡ್ಲ, ನ. 16 : ದೇರಳಕಟ್ಟೆದ ಪ್ರೈವೇಟ್ ಕಾಲೇಜ್ದ ಆಣ್ ಒರಿ ನಾಪತ್ತೆ ಆತಿನ ಬಗೆಟ್ ಉಳ್ಳಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ನಾಪತ್ತೆ ಆತಿನ ಆಣ್ ಕೇರಳದ ಪಾಲಕ್ಕಾಡ್ ಮೂಲೊದ ರಬಿಯಾ ಬೊಕ್ಕ ಅಬೂಬಕರ್ ಮೊಕಲ್ನ ಮಗೆ ಮಲಿಕ್ ಅಬೂಬಕರ್ ಪನ್ದ್ ತೆರಿದ್ ಬೈದ್ಂಡ್. ಉಂಬ್ಯೆ ದೇರಳಕಟ್ಟೆದ ಪ್ರೈವೇಟ್ ಕಾಲೇಜ್ಡ್ ಬಿಎನ್ವೈಎಸ್ ಕಲ್ತೊಂದಿತ್ತ್ದ್, ಅಬ್ದುಲ್ ಷರೀಫ್ ಮೆರೆಗ್ ಸೇರ್ದಿನ ಪಿಜಿ ಡ್ ಇತ್ತೆ.
ವರದಿಲೆನ ಪ್ರಕಾರ, ನವೆಂಬರ್ 13ರ ರಾತ್ರೆ ಮಲಿಕ್ ಪಿದಯಿ ವನಸ್ ಮಲ್ತ್ ಬರ್ಪೆ ಪನ್ದ್ ಪಿಜಿರ್ದ್ ಪೋತೆ. ಆಂಡ ಪಿರ ಬತ್ತ್ದಿಜೆ.
ಮಲಿಕ್ನ ಸಮ್ಮಲೆ ಅಂಚೆನೇ ಫಿಸಿಯೋಥೆರಪಿ ಡಾಕ್ಟರ್ ಅಜ್ಮಲ್ ಟಿ.ಎ. ಮೇರ್ ಬರೆಪಾದಿನ ಒಯಿಲ್ದ ಪ್ರಕಾರ ಉಳ್ಳಾಲ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.