Last updated on November 17th, 2025 at 08:39 am
ಬೊಲ್ತೇರ್, ನ. 17 :ಧರ್ಮಸ್ಥಳ ಪ್ರಕರಣೊದ ಜಡ್ತೆ ನಡತೊಂದುಪ್ಪನಗ ವಿಶೇಷ ಜಡ್ತೆ ಕೂಟೊದ (ಎಸ್ಐಟಿ) ಅಧಿಕಾರಿಲು ತನ್ನ ಮಿತ್ತ್ ಹಲ್ಲೆ ಮಲ್ತ್ದ್ ಕಲು ಪನ್ಯೆರ ಒತ್ತಾಯ ಮಲ್ತ್ದೆರ್ ಪನ್ದ್ ಆರೋಪಿತ್ದ್ ಸೌಜನ್ಯ ಪರ ಕಾರ್ಯಕರ್ತೆ ಜಯಂತ್ ಟಿ ಮೇರ್ ರಾಜ್ಯಪಾಲೆರ್ ಬೊಕ್ಕ ಪೊಲೀಸ್ ಮಹಾನಿರ್ದೇಶಕೆರೆಗ್ ಓಲೆ ಬರೆತೆರ್.
ಎಸ್ಐಟಿ ಅಧಿಕಾರಿಲಾಯಿನ ಜಿತೇಂದ್ರ ದಯಾಮ, ಸೈಮನ್, ಮಂಜುನಾಥ್ ಆರ್ಜೆ, ಮಂಜುನಾಥ್ ಗೌಡ ಬೊಕ್ಕ ಗುಣಪಾಲ್ ಮೊಕುಲು ವಿಚಾರಣೆಗ್ ಲೆತ್ತ್ದ್ ಪೋಡಿಕಟ್ಟಾದೆರ್ ಬೊಕ್ಕ ದೂರುದಾರೆ ಚಿನ್ನಯ್ಯನ್ ಅದೆಕ್ ಲೆತೊಂದು ಬತ್ತ್ದ್ ಜಯಂತ್ನ ಮಿತ್ತ್ ತೀವ್ರ ಹಲ್ಲೆ ಮಲ್ತ್ದೆರ್ ಪನ್ದ್ ಜಯಂತ್ ತನ್ನ ಒಯಿಲ್ಡ್ ಆರೋಪ ಮಲ್ತ್ದೆರ್.
ಅವ್ವೇ ಅಧಿಕಾರಿಲು ಚಿನ್ನಯ್ಯನ ಮಿತ್ತ್ ಹಲ್ಲೆ ಮಲ್ತ್ದ್ ಜಯಂತ್ನ್ ಪೋಡಿಕಟ್ಟಾದೆರ್, ಇರ್ವೆರೆಲಾ ಕಲು ಪಾತೆರೊಲೆನ್ ಪನ್ಯೆರ ಒತ್ತಾಯ ಮಲ್ತ್ದೆರ್ ಪನ್ದ್ ಆರ್ ಆರೋಪ ಮಲ್ತ್ದೆರ್.
ವಿಚಾರಣೆದ ಪೊರ್ತುಡು ಆಕುನು, ಪೋಡಿಕಟ್ಟಾವುನು, ಅಪರಾಧಿಕ ಪಿತೂರಿ, ಕಲು ಸಾಕ್ಷಿ ಪನ್ಯೆರ ಒತ್ತಾಯ ಮಲ್ದಿನ ಆರೋಪ ನ್ ಜಯಂತ್ ಮಲ್ತ್ದೆರ್. ಕಾನೂನು ಬಾಹಿರ ಬೇಲೆಲು, ಸರಕಾರಿ ಆದೇಶೊನು ಗೆನ್ಪಂದೆ ಕರ್ತವ್ಯ ನಿರ್ಲಕ್ಷ್ಯೊದ ಬಗೆಟ್ ಒಯಿಲ್ಡ್ ಬರೆತೆರ್.