Last updated on November 17th, 2025 at 09:57 am
ನ. 17: ಮೆಕ್ಕಾ ರ್ದ್ ಮದೀನಾಗ್ ಉಮ್ರಾ ಯಾತ್ರಾರ್ಥಿಲೆನ್ ಲೆತೊಂದು ಪೋವೊಂದಿತ್ತಿನ ಬಸ್, ಡೀಸೆಲ್ ಟ್ಯಾಂಕರ್ಗ್ ಎಡ್ತಿನೆರ್ದಾವರ ಕಮ್ಮಿಡ್ 42 ಜನ ಭಾರತೀಯೆರ್ ತೀರ್ದಿನ ನಡಕೆ ಸೋಮವಾರ ಕಾಂಡೆ (ನ.17) ವರದಿ ಆತ್ಂಡ್.
ಮೂಲೊಲೆನ ಪ್ರಕಾರ, ತೀರ್ದಿನಕುಲು ಹೈದರಾಬಾದ್ ಮೂಲೊದಕುಲಾದಿತ್ತ್ದ್, ಎಡ್ತೆದ ಪೊರ್ತುಡು ಸುಮಾರ್ 20 ಪೊಂಜೊವುನಕುಲು ಬೊಕ್ಕ 11 ಜೋಕುಲು ಬಸ್ಡ್ ಇತ್ತೆರ್. ಮೆಕ್ಕಾಡ್ ತನ್ಕುಲೆ ಧಾರ್ಮಿಕ ವಿಧಿಕ್ಲೆನ್ ಮುಗಿತಿ ಬೊಕ್ಕ ಯಾತ್ರಿಕೆರ್ ಮದೀನಾಗ್ ಪೋವೊಂದಿತ್ತೆರ್.
ಅಧಿಕಾರಿಲು ತೀರ್ದಿನ ಅಂಚೆನೇ ಗಡಿಕುಲಾತಿನಕ್ಲೆನ ಬಗೆಟ್ ಪತ್ತ ಒಲವು ಪಟ್ಟೊಂದುಲ್ಲೆರ್. ತುರ್ತ ಕಾರ್ಯಾಚರಣೆಲು ನಡತೊಂದುಲ್ಲ. ಹಜ್ ಬೊಕ್ಕ ಉಮ್ರಾ ಸಚಿವಾಲಯ ಅಂಚೆನೇ ಪ್ರಯಾಣ ಸಂಸ್ಥೆ ಎಡ್ತೆನ್ ದೃಢ ಮಲ್ದೆರ್ ಪನ್ದ್ ಸುದ್ದಿ ಸಂಸ್ಥೆಲು ವರದಿ ಮಲ್ತ್ದ.