Last updated on November 28th, 2025 at 12:59 pm
ಬೊಲ್ತೇರ್, ನ. 28: ಅಪ್ರಾಪ್ತ ಪ್ರಾಯೊದ ಪೊಣ್ಣಗ್ ಬಂಜಿ ಬರ್ಪಾಯಿನ ಆರೋಪಡ್ ಒರಿ ಜವನನ್ ವೇಣೂರ್ ಪೊಲೀಸೆರ್ ಪೋಕ್ಸೋ ಪ್ರಕರಣೊಡು ಅರೆಸ್ಟ್ ಮಲ್ತ್ದೆರ್.
ಸಂತ್ರಸ್ತೆದಿ ಪೊಣ್ಣು ಬರೆಪಾದಿನ ಒಯಿಲ್ದ ಪ್ರಕಾರ ಪೊಲೀಸೆರ್ ಆರೋಪಿನ್ ವಶೊಕು ಗೆತೊಂದೆರ್. ಆರೋಪಿ ಪೊಣ್ಣನ್ ಮದಿಮೆ ಆಪೆ ಪನ್ದ್ ನಂಬಾದ್ ಪಾಕ ಸರ್ತಿ ಇಲ್ಲಡೆ ಲೆತೊಂದು ಪೋದು ಒತ್ತಾಯಡ್ ಲೈಂಗಿಕ ಸಂಪರ್ಕ ಮಲ್ತ್ದೆಗೆ. ಪೊಣ್ಣನ ಆರೋಗ್ಯಡ್ ಎಚ್ಚಿಕಮ್ಮಿ ಆಯಿನೆರ್ದಾವರ ವೇಣೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋನಗ ಡಾಕ್ಟರ್ ಪರೀಕ್ಷೆ ಮಲ್ತ್ದ್ ರಡ್ಡರೆ ತಿಂಗೊಲ್ದ ಬಂಜಿನಾಲ್ ಪನ್ದ್ ತೆರಿಪಾದೆರ್.