Last updated on December 1st, 2025 at 12:25 pm
ಒಡಿಪು, ಡಿ. 01: ಮದಿಮೆ ಆಯೆರೆ ಒತ್ತೊನಂದಿನ ಪೊಣ್ಣನ್ ಏರ್ಲಾ ಇಜ್ಜಂದಿನ ಜಾಗೆಡ್ ಅಡ್ಡಕಟ್ಟ್ದ್ ಅತ್ಯಾಚಾರ ಮಲ್ದಿನ ಆರೋಪಡ್ ಹಿಂದೂ ಜಾಗರಣಾ ವೇದಿಕೆದ ಕಾರ್ಯಕರ್ತೆ ಒರಿಯನ್ ಒಡಿಪು ಮಹಿಳಾ ಸ್ಟೇಷನ್ ಪೋಲೀಸೆರ್ ಕೈದ್ ಮಲ್ತ್ದೆರ್.
ಕೈದಾತಿನಾಯನ್ ಪೆರ್ಡೂರು ಹಿಂಜಾವೇ ನಾಯರ್ಕೋಡು ಘಟಕೊದ ಪ್ರದೀಪ್ ಪೂಜಾರಿ (26) ಪನ್ದ್ ಗುರ್ತ ಪತ್ತ್ದೆರ್ .
ನವೆಂಬರ್ 29ದಾನಿ ಪೊಣ್ಣು ನಡತಂದು ಪೋವೊಂದುಪ್ಪುನಗ ಅಡ್ಡಕಟ್ಟಿನ ಪ್ರದೀಪ್, ತನನ್ ಮದಿಮೆ ಆಲ ಪನ್ದ್ ಪನ್ತೆ. ಪೊಣ್ಣು ಉಂದೆಕ್ ಒತ್ತೊನಂದಿನೆಕ್ ಪಿಸ್ರ್ಡ್ ಆರೋಪಿ, ಆಲೆನ ಕೆಕ್ಕಿಲ್ ಪೊಜೆಂಕ್ದ್ ಪೋಡಿಕಟ್ಟಾದ್ ಅತ್ಯಾಚಾರ ಮಲ್ತ್ದೆ ಪನ್ದ್ ಸಂತ್ರಸ್ತೆದಿ ಒಯಿಲ್ ಬರೆಪಾದಲ್.
ಜಾಮೀನ್ಡ್ ಪಿದಯಿ ಬತ್ತಿತ್ತಿನ ಆರೋಪಿ
ಆರೋಪಿ ಪ್ರದೀಪ್ ದುಂಬುಲಾ ಉಂದೇ ಪೊಣ್ಣಗ್ ಮದಿಮೆ ಆಲ ಮದಿಮೆ ಆಲ ಪನ್ದ್ ಗಡೀಗಡಿ ಉಪದ್ರ ಕೊರೊಂದಿತ್ತೆಗೆ. ಈ ಬಗೆಟ್ ಪೊಣ್ಣು ಪೆರಿಯಡ್ಕ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದಿತ್ತ್ದ್, ಆಯೆ ಕೈದ್ಲಾ ಆದಿತ್ತೆ. ಇಂಚಿಪ ಜಾಮೀನ್ಡ್ ಬುಡುಗಡೆ ಆತಿನ ಆರೋಪಿ, ಪರ ಪಗೆಟ್ ಈ ಬೊರ್ಚಂದಿ ಬೇಲೆ ಮಲ್ತ್ದೆ.