Last updated on December 16th, 2025 at 11:42 am
ದೆಲ್ಲಿ, ಡಿ. 16: ವೋಟ್ ಚೋರಿ ಆತಿಜಿ, ರಾಹುಲ್ ಗಾಂಧಿನ ಮಂಡೆದ ಬೊಂಡು ಚೋರಿ ಆತ್ಂಡ್ ಪನ್ದ್ ಕೇಂದ್ರ ಸಚಿವೆ, ಸಂಸದೆ ಪ್ರಹ್ಲಾದ್ ಜೋಶಿ ಪನ್ಡೆರ್.
ವೋಟ್ಲೂಟುನ ಬಗೆಟ್ ಕಾಂಗ್ರೆಸ್ ದೆಲ್ಲಿಡ್ ಮಲ್ತಿನ ಪೊರ್ಮ್ಬಾಟೊದ ಪೊರ್ತುಡು ಪ್ರಧಾನಿ ಮೋದಿಯೆರೆನ ವಿರುದ್ಧ ಘೋಷಣೆ ಲೆತ್ತಿನ ಬಗೆಟ್ ಪಾತೆರ್ನ ಜೋಶಿ, ಕಾಂಗ್ರೆಸ್ ಪಕ್ಷೊಡು ಎಸ್ಐಆರ್ ಮಲ್ಪೊಡು, ಅವು ಆಪುನೇಟ ಒವೆನ್ಲಾ ಸಮ ಮಲ್ಪೆರ ಸಾಧ್ಯ ಇಜ್ಜಿ. ವೋಟ್ಚೋರಿ ಆತಿಜಿ ರಾಹುಲ್ ಗಾಂಧಿ ಬೊಕ್ಕ ಆರೆನ ಬೆರಿಯೆ ಇಪ್ಪುನಕ್ಲೆನ ಮಂಡೆದ ಬೊಂಡು ಕನ್ಡ್ದ್ ಪೋತುಂಡು ಪನ್ದ್ ಮಕ್ಕರ್ ಮಲ್ತೆರ್.
‘ವೋಟ್ ಚೋರಿ’ ವಿರುದ್ಧ ಕಾಂಗ್ರೆಸ್ ಮಲ್ಲ ಪೊರ್ಮ್ಬಾಟ ಮಲ್ತೊಂದುಂಡು. ದೆಲ್ಲಿದ ರಾಮಲೀಲಾ ಮೈದಾನೊಡು ಮಲ್ಲ ಸಮಾವೇಶ ನಡತಿತ್ತ್ದ್, ಕರ್ನಾಟಕ ಸಿಎಂ ಸಿದ್ದರಾಮಯ್ಯೆ, ಡಿಸಿಎಂ ಡಿ.ಕೆ.ಶಿವಕುಮಾರ್ ಸೇರ್ದ್ ಕಾಂಗ್ರೆಸ್ ಸಚಿವೆರ್, ಶಾಸಕೆರ್ ಪಾಲ್ಪಡೆತೆರ್.