ಕಾಸ್ರೋಡ್: ಗ್ಯಾಸ್ ಸ್ಟವ್‌‌ರ್ದಾವರ ಸೂ ಪತೊಂದು  ಸುಡು ಸೂಕರಿ ಆಂಡ್ ಇಲ್ಲ್

Last updated on December 17th, 2025 at 08:36 am

ಕಾಸ್ರೋಡ್, ಡಿ. 17: ಗ್ಯಾಸ್ ಸ್ಟವ್‌‌ರ್ದಾವರ ಸೂ ಪತೊಂದು ಇಲ್ಲ್ ಒಂಜಿ ಅಲಕ್ಕ ಪೊತ್ತುದು ಸುಡು ಸೂಕರಿ ಆತಿನ ನಡಕೆ ಕೊಳ್ಕಬೈಲ್‌ಡ್ ಕೋಡೆ, ಅಂಗಾರೆ ಕಾಂಡೆ ನಡತಿತ್ತ್‌ದ್, ಇಲ್ಲದಕುಲು ಪಡಾಯಿದಾಂತೆ ಬಚಾವಾತೆರ್.

ಪುಷ್ಪಾ ಪನ್ಪಿನಾರೆನ ಇಲ್ಲಡ್ ಈ ನಡಕೆ ನಡತ್‌ದ್ಂಡ್ . ಪುಷ್ಪಾ ಅಟಿಲ್ ಮಲ್ತೊಂದಿತ್ತಿನ ಪೊರ್ತುಡು ಸ್ಟೌವ್‌ಡ್ ಸೂ ಪತೊಂದಿತ್ತ್‌ದ್, ಪುಷ್ಪಾ ಪಿದಯಿ ಬಲ್ತಿನೆರ್ದಾವರ ಪಡಾಯಿ ತತ್ತ್‌ದ್ಂಡ್. ಸೂ, ಮುಟ್ಟಡ್ ಇತ್ತಿನ ಸೊತ್ತುಲು ಬೊಕ್ಕ ಕುಂಟುಲೆಗ್ ಪತೊಂದು ಬೊಕ್ಕ ಇಡೀ ಇಲ್ಲಗ್ ಪಸೆರ್‌ದ್ಂಡ್. ಒಲವು ತಿಕ್ಕಿನೇ ಕಾಸ್ರೋಡ್‌ರ್ದ್ ಬತ್ತಿನ ಅಗ್ನಿ ಶಾಮಕ ದಳೊದ ಸಿಬ್ಬಂದಿಲು ಸೂ ತೆಕ್ಕಾದೆರ್.

ನಾಲ್ ಅದೆತ ಓಡುದ ಇಲ್ಲಲ್ ಪುಷ್ಪಾ ಸೇರ್ದ್ 9 ಜನ ಇತ್ತ್‌ದ್, ನಡಕೆ ನಡಪುನ ಪೊರ್ತುಡು ಇಲ್ಲಡ್ ಪುಷ್ಪಾ ಮಾತ್ರ ಇತ್ತೆರ್ . ಇಲ್ಲಡ್ ಇತ್ತಿನ ಮಾತಾ ಸೊತ್ತುಲು ಪೊತ್ತುದ್ ಪೋತ. ಸುಮಾರ್ 10 ಲಕ್ಷ ರೂ. ನಷ್ಟ ಆದುಪ್ಪು ಪನ್ದ್ ಅಂದಾಜಿ ಮಲ್ದೆರ್.