Last updated on December 25th, 2025 at 10:25 am
ಬಂಟ್ವಾಳ, ಡಿ. 25: ಸ್ಕೂಟರ್ ಒಂಜೆಕ್ ಎಡ್ತ್ದ್ ಪದ್ರಾಡಾದಿತ್ತಿನ ರಿಕ್ಷಾನ್ ಬಂಟ್ವಾಳ ಟ್ರಾಫಿಕ್ ಪೊಲೀಸೆರ್ ವಶೊಕು ಗೆತೊಂದೆರ್.
ರಾಮಲ್ ಕಟ್ಟೆದ ಉಸ್ಮಾನ್ ಪನ್ಪಿನಾರೆನ ಸ್ಕೂಟರ್ಗ್ ರಿಕ್ಷಾ ಒಂಜಿ ಎಡ್ತ್ದ್ ಪದ್ರಾಡಾದಿತ್ತ್ಂಡ್. ಗಾತಿದ ಗಡಿಕುಲಾದಿತ್ತಿನ ಉಸ್ಮಾನ್ನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತ್ಂಡಲಾ, ಮರ್ದ್ ಪಲಿಪಂದೆ ಆರ್ ತೀರ್ದಿತ್ತೆರ್. ಆಂಡ ರಡ್ಡ್ ಹಿಟ್ ರನ್ ಆದಿತ್ತಿನ ರಿಕ್ಷಾ ತಿಕ್ಕ್ದಿಜ್ಜಂಡ್.
ರಿಕ್ಷಾ ಎಡ್ತ್ದ್ ಪದ್ರಾಡಾತಿನೆನ್ ಅಲ್ಪದಕುಲು ತೂತಿನತ್ತಂದೆ, ಸಿ.ಸಿ.ಕ್ಯಾಮರಾಡ್ಲಾ ಅವು ಕೈದಾತ್ಂಡ್. ಸಿ.ಸಿ.ಕ್ಯಾಮರಾದ ಸಾಕ್ಷ್ಯೊದ ಆಧಾರೊಡು ಬೆರಿಪತ್ತಿನ ಟ್ರಾಫಿಕ್ ಪೋಲೀಸೆರ್ ಬುಧವಾರ ಕುಡ್ಲಡ್ ರಿಕ್ಷಾನ್ ಪತ್ತ್ದ್ ವಶೊಕು ಗೆತೊಂಡೆರ್. ಸಜೀಪ ನಿವಾಸಿ ಕುಮರೇಶ್ ಪನ್ಪಿನಾರೆನ್ ಪೊಲೀಸೆರ್ ಪತ್ತ್ದ್ ರಿಕ್ಷಾನ್ ವಶೊಕು ಗೆತೊಂದೆರ್.