Last updated on December 27th, 2025 at 11:39 am
ಒಡಿಪು, ಡಿ. 27: ಕಾಪುದ ಪೆಜಮಾಡಿ ಗರೋಡಿ ಜಾತ್ರೆಡ್ ಬಂಗಾರ್ ಕನ್ಡಿನ ಕಲ್ವೆದಿಯರ್ಲು ತಿಕ್ಕ್ದ್ ಬೂರ್ದೆರ್. ನೇಮ ಆನಗ ಒರ್ತಿ ಪ್ರಾಯೊದಾರೆನ್ 3 ಪೊಂಜೊವುನಕುಲು ಸುತ್ತುರ್ದ್ ಪಾಡ್ದ್ ಕೆಕ್ಕಿಲ್ಡ್ ಇತ್ತಿನ ಬಂಗಾರ್ದ ಮಾಲೆನ್ ಲಕ್ಕಾದೆರ್. ಇತ್ತೆ ಈ ಪೊಂಜೊವುಲೆನ್ ಸಾರ್ವಜನಿಕೆರ್ ಪತ್ತ್ದೆರ್.
ಪೆಜಮಾಡಿದ ಕಮಲ ಪನ್ಪಿನಾರ್ ಕಮುಗಿಯೊಂದುಪ್ಪುನಗ, ಮೂವೆರ್ ಕಲ್ವೆದಿಯರ್ಲು ಆರೆನ್ ಮೂಜಿ ಕಡೆರ್ದ್ ಸುತ್ತ ಉಂತುದು, ಗಂಟೆ ಬೊಟ್ಟುನ ನೆವನೊಡು ಕೆಕ್ಕಿಲ್ಡಿತ್ತಿನ ಬಂಗಾರ್ದ ಮಾಲೆನ್ ಕನ್ಡ್ದ್ ಪದ್ರಾಡಾತೆರ್. ಈ ವೀಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ಂಡ್.
ಕನ್ಡ್ದ್ ಪೋತಿನ ಮಾಲೆದ ಮೌಲ್ಯ ಸುಮಾರ್ 2 ಲಕ್ಷ ರೂಪಾಯಿ ಪನ್ದ್ ಅಂದಾಜಿ ಮಲ್ತ್ದೆರ್. ನಡಕೆದ ಸಿಸಿಟಿವಿ ದೃಶ್ಯಾವಳಿನ್ ಪರಿಶೀಲಿತಿನ ಪೊಲೀಸೆರ್, ಆರೋಪಿಲೆನ್ ಗುರ್ತ ಪತ್ತುನೆಟ್ ಯಶಸ್ವಿ ಆತೆರ್. ಜಡ್ತೆ ನಡತೊಂದುಂಡು.