Last updated on December 27th, 2025 at 11:58 am
ಒಡಿಪು, ಡಿ. 26: ಸ್ಕೂಟರ್ ಅಂಕೆ ತತ್ತ್ದ್ ಡಿವೈಡರ್ಗ್ ಎಡ್ತಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಶುಕ್ರವಾರ ಕಾಂಡೆ ಮುದ್ರಂಗಡಿಡ್ ನಡತ್ದ್ಂಡ್. ತೀರ್ದಿನಾರೆನ್ ಕುತ್ಯಾರ್ ಕೆಂಜ ನಿವಾಸಿ ಜೋಸ್ವಿನ್ ಡಿಸೋಜಾ (22) ಪನ್ದ್ ಗುರ್ತ ಪತ್ತ್ದೆರ್.
ಜೋಸ್ಟಿನ್ ಗುರುವಾರ ರಾತ್ರೆ ಮುದ್ರಂಗಡಿಡ್ ಒಂಜಿ ಲೇಸ್ಡ್ ಪಾಲ್ಪಡೆದ್ ಕುತ್ಯಾರ್ದ ತನ್ನ ಇಲ್ಲಗ್ ಪಿರ ಬರೊಂದಿತ್ತೆರ್. ಕುತ್ಯಾರ್ ಗೋಳಿಕಟ್ಟೆದ ಕೈತಲ್ ಸ್ಕೂಟರ್ ಅಂಕೆ ತತ್ತ್ದ್ ಡಿವೈಡರ್ಗ್ ಎಡ್ತ್ದ್ಂಡ್. ಎಡ್ತೆದ ಬರಸ್ಗ್ ಆರೆಗ್ ಗಾತಿದ ಗಡಿಕುಲಾತ. ಮುಟ್ಟದಕುಲು ಆರೆನ್ ಮಣಿಪಾಲದ ಆಸ್ಪತ್ರೆಗ್ ಲೆತೊಂದು ಪೋತೆರ್, ಆಕಡ ಸಾದ ನಡುಟೇ ಆರ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಶಿರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು.