Last updated on December 30th, 2025 at 11:51 am
ರಾಮಕುಂಜ, ಡಿ. 30: ಗೂಡ್ಸ್ ಟೆಂಪೋ ಎಡ್ತ್ದ್ ನಡತೊಂದು ಪೋವೊಂದಿತ್ತಿನಾರ್ ಒರಿ ತೀರ್ದಿನ ನಡಕೆ ಉಬಾರ್-ಕಡಬ ರಾಜ್ಯ ಪೆರ್ಸಾದಿದ ಆತೂರ್ಡ್ ಡಿ.29ದಾನಿ ಮಧ್ಯಾಹ್ನ ನಡತ್ದ್ಂಡ್.
ಮೂಲತ: ಬಂಟ್ವಾಳ ತಾಲೂಕ್ದ ಕುಕ್ಕಾಜೆ ನಿವಾಸಿ ಆದಿತ್ತ್ದ್ ಕಾಸ್ರೋಡ್ದ ಮೈಮಾತ್ ಸಂಸ್ಥೆಡ್ ಶಿಕ್ಷಕೆರಾದುಪ್ಪುನ ಅಬ್ದುಲ್ ಖಾದರ್ ಸಖಾಫಿ(57ವ.) ತೀರ್ದಿನಾರ್.
ಅಬ್ದುಲ್ ಖಾದರ್ ಸಖಾಫಿ ಮೆರೆಗ್ ಕಡಬ ತಾಲೂಕ್ದ ಸುಂಕದ ಕಟ್ಟೆರ್ದ್ ಮದಿಮೆ ಆದಿತ್ತ್ದ್ ಬೊಡೆದಿ ಜೋಕುಲೆನ ಒಟ್ಟುಗ್ ಕಾಸ್ರೋಡ್ಡೇ ಇತ್ತೆರ್. ಡಿ.26ತಾನಿ ಸುಂಕದಕಟ್ಟೆಗ್ ಬತ್ತಿತ್ತಿನ ಆರ್ ಡಿ.27ತಾನಿ ಸಂಬಂಧಿಕೆರಾಯಿನ ಕೊೖಲ ಗ್ರಾಮೊದ ಎಲ್ಯಂಗ ನಿವಾಸಿ ರಝಾಕ್ ಪನ್ಪಿನಾರೆನ ಮಗಲೆನ ಮದ್ರೆಂಗಿದ ಲೇಸ್ಗ್ ಬೊಡೆದಿ, ಮಗಲ್ ಬೊಕ್ಕ ಸಂಬಂಧಿಕೆರೆ ಒಟ್ಟುಗು ಮಧ್ಯಾಹ್ನ ಸುಂಕದಕಟ್ಟೆರ್ದ್ ಬಸ್ಸ್ಡ್ ಆತೂರ್ಗ್ ಬತ್ತ್ದ್, ಆತೂರ್ಡ್ ಇಲ್ಲದಕ್ಲೆನ್ ರಿಕ್ಷಾಡ್ ಕಡಪುಡ್ದ್, ತಾನ್ ಪೆರ್ಸಾದಿದ ಬರಿಟೆ ನಡತೊಂದು ಪೋನಗ ಈ ನಡಕೆ ನಡತ್ದ್ಂಡ್.
ಗೋಳಿತ್ತಡಿರ್ದ್ ಉಬಾರ್ದಂಚಿ ಪೋವೊಂದಿತ್ತಿನ ಗೂಡ್ಸ್ ಟೆಂಪೋ ಒಂಜಿ ಅಬ್ದುಲ್ ಖಾದರ್ ಸಖಾಫಿಗ್ ಎಡ್ತ್ದ್ಂಡ್. ಎಡ್ತೆಡ್ ಸಾದಿಗ್ ರಟ್ಟ್ದ್ ಗಾತಿದ ಗಡಿಕುಲಾದಿತ್ತಿನ ಅಬ್ದುಲ್ ಖಾದರ್ ಮೆರೆನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಮರ್ದ್ ಪಲಿಪಂದೆ ಆರ್ ತೀರ್ದೆರ್ ಪನ್ದ್ ವರದಿ ಆತ್ಂಡ್. ಮೇರ್ ಬೊಡೆದಿ ಜೈನಾಬಿ, ಮೂವೆರ್ ಮಗಲರ್ಲು ಬೊಕ್ಕ ಒರಿ ಮಗನ್ ಅಗತ್ದೆರ್.