Last updated on January 3rd, 2026 at 09:31 am
ಪುತ್ತೂರು, ಜ. 02: ಪುತ್ತೂರು ಕಸಬಾ ಗ್ರಾಮೊದ ಪರ್ಲಡ್ಕ ಜಂಕ್ಷನ್ಡ್ ಗಾಂಜಾ ಮಾರೊಂದಿತ್ತಿನ ಆರೋಪಡ್ ಆಂಜೊವು ಒರಿಯನ್ ಪುತ್ತೂರು ನಗರ ಪೊಲೀಸೆರ್ ಜನವರಿ 1 ತಾನಿ ಕಾಂಡೆ ಕೈದ್ ಮಲ್ತ್ದೆರ್.
ಕೈದಾತಿನ ಆರೋಪಿನ್ ಪುತ್ತೂರು ಕಸಬಾ ಗ್ರಾಮೊದ ಮೊಹಮ್ಮದ್ ತೌಸೀಫ್ (36) ಪನ್ದ್ ಗುರ್ತ ಪತ್ತ್ದೆರ್. ಗಾಂಜಾ ಮಾರೊಂದುಪ್ಪುನ ಬಗೆಟ್ ಒಲವು ಇತ್ತ್ದ್ ಪುತ್ತೂರು ನಗರ ಪೊಲೀಸ್ ಸ್ಟೇಶನ್ದ ಪಿಎಸ್ಐ ಜನಾರ್ದನ್ ಕೆ.ಎಂ. ಸಿಬ್ಬಂದಿಲೆನ ಒಟ್ಟುಗು ಅಡೆ ಪೋದು ಶಂಕಿತನ್ ವಿಚಾರಣೆ ಮಲ್ತ್ದೆರ್. ವಿಚಾರಣೆದ ಪೊರ್ತುಡು, ನಿಷೇಧಿತ ಗಾಂಜಾ ಇತ್ತಿನೆನ್ ಆಯೆ ಒತ್ತೊಂದೆ ಪನ್ದ್ ವರದಿ ಆತ್ಂಡ್ .
ತಪಾಸಣೆ ಮಲ್ತ್ದ್ ಆಯರ್ದ್ 400 ಗ್ರಾಂ ಗಾಂಜಾ ವಶೊಕು ಗೆತೊಂದೆರ್. ಬೊಕ್ಕ, ನನದ ಕಾನೂನು ಕ್ರಮಕೊಕು ಆರೋಪಿನ್ಲಾ ವಶೊಕು ಗೆತೊಂದೆರ್.
ಪುತ್ತೂರು ನಗರ ಪೊಲೀಸ್ ಸ್ಟೇಶನ್ಡ್ ಅ.ಕ್ರ : 02/2026, ಕಲಂ:8(ಸಿ), 20(ಬಿ) ಎನ್ಡಿಪಿಎಸ್ ಆಕ್ಟ್ 1985 ದ ಪ್ರಕಾರ ಪ್ರಕರಣ ದಾಕಲಾತ್ಂಡ್. ಆರೋಪಿನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್ ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.