Last updated on January 3rd, 2026 at 10:08 am
ಮುಂಬೈ: ಮಹಾರಾಷ್ಟ್ರಡ್ ಪಾಕ ದಿನೊರ್ದು ಬಾಕಿ ಒರಿದಿನ ಮುನ್ಸಿಪಲ್ ಕಾರ್ಪೊರೇಷನ್ ಚುನಾವಣೆಡ್ ವೋಟ್ಗ್ ದುಂಬೇ, ಬಿಜೆಪಿ-ಶಿವಸೇನಾ ಒಕ್ಕೂಟ 66 ವಾರ್ಡ್ಲೆನ್ ಬೊಕ್ಕ ಅಜಿತ್ ಪವಾರ್ ರೆನ ಎನ್ಸಿಪಿ ರಡ್ಡ್ ವಾರ್ಡ್ಲೆನ್ ಗೆಂದ್ದ್ಂಡ್.
ನಾಮಪತ್ರೊನು ಪಿರಗೆನತೊನ್ರೆ ಶುಕ್ರವಾರ ಅಕೇರಿದ ದಿನ ಆದಿತ್ತ್ಂಡ್. ಬೇತೆ ಪಕ್ಷೊಲೆನ ಬೊಕ್ಕ ಮೈತ್ರಿಕೂಟೊದ ಪಾಕ ಅಭ್ಯರ್ಥಿಲು ನಾಮಪತ್ರ ಪಿರಗೆತೊಂದಿನೆರ್ದಾವರ ಈ 68 ಜನೊಕುಲು ಅವಿರೋಧವಾದ್ ಗೆಂದ್ದೆರ್.
ಮುಂಬೈ ಮೆಟ್ರೋಪಾಲಿಟನ್ ಪ್ರದೇಶೊದ (ಎಂಎಂಆರ್) ನಿರ್ಣಾಯಕ ಕಲ್ಯಾಣ್ ಡೊಂಬಿವಿ ಮುನ್ಸಿಪಲ್ ಕಾರ್ಪೊರೇಷನ್ಡ್ ಮಾತೆರೆರ್ದ್ ಎಚ್ಚ ಅವಿರೋಧವಾದ್ ಗೆಂದಿನಕುಲು ಉಲ್ಲೆರ್, ಅಲ್ಪ ಬಿಜೆಪಿರ್ದ್ 15 ಬೊಕ್ಕ ಶಿವಸೇನೆರ್ದ್ 6 ಇಂಚ ಒಟ್ಟು 21 ಅಭ್ಯರ್ಥಿಲು ಅಜತ್ ಬೈದೆರ್.
ಬಿಜೆಪಿ ಬೊಕ್ಕ ಶಿವಸೇನೆ ರಡ್ಡೆಕ್ಲಾ ಎಡ್ಡೆ ರಾಜಕೀಯ ನೆಲ ಆದಿತ್ತಿನ ಉತ್ತರ ಮಹಾರಾಷ್ಟ್ರೊದ ಜಲಗಾಂವ್ಲಾ ರಡ್ಡ್ ಪಕ್ಷೊಲೆಗ್ ಒಂಜಿ ಡಜನ್ ಕಾರ್ಪೊರೇಟರ್ಲೆನ್ ಕೊರ್ತುಂಡು. ಪನ್ವೇಲ್ಡ್ಲಾ ಇಂಚೇನೇ ಆದಿತ್ತ್ದ್, ಅಲ್ಪ ಏಳ್ ಬಿಜೆಪಿ ಅಭ್ಯರ್ಥಿಲು ಗೆಂದ್ದೆರ್.
ಎನ್ಸಿಪಿ (ಶರದ್ಚಂದ್ರ ಪವಾರ್) ಬಣೊದ ಭದ್ರಕೋಟೆ ಆದಿತ್ತಿನ ಭಿವಂಡಿಡ್ ಪಕ್ಷ ಅವಿರೋಧವಾದ್ ಆಜಿ ಸೀಟ್ಲೆನ್ ಗೆಂದ್ದ್ಂಡ್.