Last updated on January 3rd, 2026 at 02:34 pm
ಜನವರಿ, 3: ಬಳ್ಳಾರಿಡ್ ನಡತಿನ ಬ್ಯಾನರ್ ಗಲಾಟೆ ಪ್ರಕರಣೊಗು ಕುಡೊಂಜಿ ಟ್ವಿಸ್ಟ್ ತಿಕ್ಕ್ದ್ಂಡ್. ಗಲಾಟೆದ ಬೆರಿಟೇ ಸಸ್ಪೆಂಡ್ ಆತಿನ ಬಳ್ಳಾರಿ ಎಸ್ಪಿ ಪವನ್ ನೆಜ್ಜೂರ್ ಆತ್ಮಹತ್ಯೆ ಮಲ್ತೊನರೆ ತೂತೆರ್ ಪನ್ಪಿ ಸುದ್ದಿ ತಿರ್ಗೊಂದುಂಡು.
ಕೆಲ ಒಲವುಲೆನ ಪ್ರಕಾರ ಪೊಲೀಸ್ ಅಧಿಕಾರಿ ಪವನ್ ನೆಜ್ಜೂರ್ಗ್, ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಪ್ರಾಣಾಪಾಯೊರ್ದು ಬಚಾವಾತೆರ್ ಪನ್ದ್ ಪನೊಂದುಲ್ಲೆರ್. ತುಮಕೂರುದ ಶಿರಾದ ಬರಗೂರ್ಡ್ ಇಪ್ಪುನ ದೋಸ್ತಿನ ಫಾರ್ಮ್ಹೌಸ್ಡ್ ಆತ್ಮಹತ್ಯೆ ಮಲ್ತೊನ್ರ ತೂತೆರ್ ಪನ್ದ್ ಮಾತ ಸುದ್ದಿ ಆತ್ಂಡ್.
ಕೋಡೆ SP ಪವನ್ ನೆಜ್ಜೂರ್ ಮೆರೆನ್ ಕರ್ನಾಟಕ ಸರ್ಕಾರ ಸಸ್ಪೆಂಡ್ ಮಲ್ತಿತ್ತ್ಂಡ್. ಬಳ್ಳಾರಿದ ನಡಕೆಡ್ ಸಮ ಬೇಲೆ ಮಲ್ತ್ದಿಜೆರ್ ಪನ್ಪಿ ನೆವನ ಕೊರ್ದು ಸಸ್ಪೆಂಡ್ ಮಲ್ತಿತ್ತೆರ್. ಕುಡೊಂಜಿ ವಿಚಾರ ದಾದ ಪನ್ಡ ಆರ್ ಬಳ್ಳಾರಿಗ್ ಒಂತೆ ದಿನೊಕು ದುಂಬಾತೇ ಬಳ್ಳಾರಿ ಎಸ್ಪಿಯಾದ್ ನಿಯೋಜನೆ ಆದಿತ್ತೆರ್, ನಡಕೆ ನಡತಿನಾನಿ ಮಧ್ಯಾಹ್ನ ಅಧಿಕಾರ ಸ್ವೀಕಾರ ಮಲ್ತಿತ್ತೆರ್.
ಈ ವದಂತಿದ ಬಗೆಟ್ ಪ್ರತಿಕ್ರಿಯೆ ಕೊರ್ತಿನ ಮಂಡ್ಯ ಎಸ್ಪಿ ಶೋಭಾ ರಾಣಿ, ಪವನ್ ನೆಜ್ಜೂರ್ ಡ ಪಾತೆರ್ಯೆ. ಆರ್, ಎಂಕ್ಲೆನ ಬ್ಯಾಚ್ಮೇಟ್ನ ಫಾರ್ಮ್ಹೌಸ್ಡ್ ಉಲ್ಲೆರ್. ಆತ್ಮಹತ್ಯೆ ಮಲ್ತೊನರೆ ತೂತೆರ್ ಪನ್ಪಿನ ಸುಳ್ಳು, ವದಂತಿ ಪರಡೊರ್ಚಿ ಪನ್ದ್ ಬಿನ್ನಪು ಮಲ್ತೊಂದೆರ್.