Last updated on January 5th, 2026 at 07:11 am
ಬಂಟ್ವಾಳ, ಜ. 050: ವಿಟ್ಲದ ಅಳಿಕೆ ಗ್ರಾಮೊದ ಅಡಲ ಪನ್ಪಿನಲ್ಪ ಸಾದಿಡ್ ಪಾಡ್ದಿನ ಮಣ್ಣ್ಡ್ ಸ್ಕೂಟರ್ ಅಂಕೆ ತತ್ತ್ದ್ ಸ್ಕಿಡ್ ಆಯಿನೆರ್ದಾವರ ಇರ್ವೆರೆಗ್ ಗಡಿಕುಲಾತ.
ಅಳಕೆ ಬಿಟ್ಟಿಮೂಲೆ ನಿವಾಸಿ ಜಯರಾಮ (44) ಬೊಕ್ಕ ಆರೆನ ಮಗೆ ನಿಖಿಲ್ (10) ಗಡಿಕುಲಾತಿನಾರ್. ಇರ್ವೆರೆಗ್ಲಾ ತರೆ ಬೊಕ್ಕ ಕೈಕ್ ಗಡಿಕುಲಾತಿತ್ತ್ದ್, ಮುಟ್ಟದಕುಲು ಅಪಗನೇ ಅಕ್ಲೆನ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಬಹುಗ್ರಾಮ ಪರ್ಪಿನ ನೀರ್ದ ಯೋಜನೆದಡಿಟ್ ಪೈಪ್ಲೈನ್ ಪಾಡ್ಯೆರ ಸುಮಾರ್ ಒಂಜಿ ವಾರೊಗು ದುಂಬು ಸಾದಿ ಸರಿಟ್ ಗುರಿ ದೆತ್ತಿತ್ತೆರ್. ಬೇಲೆಡ್ ದೆತ್ತ್ಇನ ಮಣ್ಣ್ನ್ ಸಾದಿದ ಅರ್ಧ ಭಾಗ ಮುಟ್ಟ ಪಾಡ್ದಿತ್ತೆರ್. ಟೂವೀಲರ್ದಕುಲು ಈ ಮಣ್ಣ್ದ ಮಿತ್ತ್ಡೆ ಪೋನಗ ಸ್ಕಿಡ್ ಆದ್ ಬೂರ್ದೆರ್.
ಅರ್ದಂಬರ್ದ ಆತಿನ ಬೇಲೆ ಅಂಚೆನೇ ಸಾದಿಡ್ ಪಾಡ್ದಿನ ಮಣ್ಣ್ರ್ದಾವರ ಸಾರ್ವಜನಿಕೆರ್ ಬಂಙ ಬರೊಂದುಲ್ಲೆರ್.