Last updated on January 9th, 2026 at 10:47 am
ಬಂಟ್ವಾಳ: ನಾವೂರು ಗ್ರಾಮೊದ ಒಂಜಿ ದಂಪತಿ ತನ್ಕುಲೆ 9 ವರ್ಸ ಪ್ರಾಯೊದ ಮಗನೊಟ್ಟುಗು ಮೂಡನಡುಗೋಡು ಗ್ರಾಮೊದ ಶಾಂತಿಗುರಿಟ್ ಇಪ್ಪುನ ಬಿನ್ನೆರೆ ಇಲ್ಲರ್ದ್ ನಾಪತ್ತೆ ಆತೆರ್. ಡಿ. 17ತಾನಿ ಈ ನಡಕೆ ನಡತಿತ್ತ್ದ್, ಈತ್ನೇಟ ಪಿರ ಬರಂದಿನೆರ್ದಾವರ ಇತ್ತೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ನಾವೂರು ಗ್ರಾಮೊದ ಸದಾಶಿವೆ (45), ಬೊಡೆದಿ ಪ್ರತಿಭಾ (39) ಬೊಕ್ಕ ಮಗೆ ರಿತ್ವಿಕ್ (9) ನಾಪತ್ತೆ ಆತಿನಕುಲು.
ದಂಪತಿ ತನ್ಕುಲೆ ಇಲ್ಲಗ್ ಬೀಗ ಪಾಡ್ದ್ ಇರ್ವೆರ್ ಜೊಕುಲಾಯಿನ ಮಗೆ ಬೊಕ್ಕ ಮಗಲೆನೊಟ್ಟುಗು ಡಿ. 16ತಾನಿ ಮೂಡನಡುಗೋಡು ಗ್ರಾಮೊದ ಶಾಂತಿಗುರಿಟ್ ಇಪ್ಪುನ ಸಂಬಂಧಿಕೆರಾಯಿನ ಧರ್ಣಪ್ಪ ಪೂಜಾರಿ ಮೆರೆನ ಇಲ್ಲಡೆ ಪೋದಿತ್ತೆರ್. ಡಿ. 17ತಾನಿ ಕಾಂಡೆ ತೂನಗ ಮಗಲೆನ್ ಅಲ್ಪನೇ ಬುಡ್ದು ಮಗನೊಟ್ಟುಗು ನಾಪತ್ತೆ ಆದಿತ್ತೆರ್. ಅಕುಲು ನಾಪತ್ತೆ ಆತಿನೆಕ್ ನೆವನ ತೆರಿದ್ ಬೈದಿಜಿ. ಧರ್ಣಪ್ಪೆರೆನ ಮಗೆ ಪ್ರಮೋದ್ ಬರೆಪಾದಿನ ಒಯಿಲ್ದ ಪ್ರಕಾರ ಬಂಟ್ವಾಳ ಗ್ರಾಮಾಂತರ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್. ಮೊಕಲೆನ ಬಗೆಟ್ ಒಲವು ತಿಕ್ಕ್ಂಡ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಷನ್ 08255-235000 ಅತ್ತ್ಂಡ ಜಿಲ್ಲಾ ಕಂಟ್ರೋಲ್ ರೂಮ್ 0824-2220500 ಗ್ ತೆರಿಪಾಯೆರ ಪೊಲೀಸೆರ್ ಕೇನ್ಡೊನ್ದೆರ್.