ಕಾಸ್ರೋಡ್ : ಪಟಾಕಿ ಕಾರ್ಖಾನೆಡ್ ಸ್ಫೋಟ – ಇರ್ವೆರೆಗ್ ಗಡಿಕುಲು

Last updated on January 13th, 2026 at 01:08 pm

ಕಾಸ್ರೋಡ್, ಜ. 12: ಕುಂಬಳೆ ಅನಂತಪುರ ಕೈಗಾರಿಕಾ ಎಸ್ಟೇಟ್‌‌ದ ಪಟಾಕಿ ಮಲ್ಪುನ ಘಟಕೊಡು ನಡತಿನ ಸ್ಫೋಟರ್ದಾವರ ಇರ್ವೆರೆಗ್ ಗಡಿಕುಲಾತಿನ ನಡಕೆ ನಡತ್‌ದ್ಂಡ್.

ಪಟಾಕಿ ತಯಾರಿ ಘಟಕೊದ ಮಿಕ್ಸಿಂಗ್ ಶೆಡ್ ಅಲಕ್ಕ ಪೊತ್ತುದು ಪೋತುಂಡು. ನಡಕೆರ್ದಾವರ ತಮಿಳುನಾಡ್ ಶಿವಕಾಶಿದ ಶಂಕರೆ ಬೊಕ್ಕ ಕರುಪ್ಪ ಸ್ವಾಮಿಗ್ ಗಡಿಕುಲಾತ. ಸ್ಪೋಟದ ಪೊರ್ತುಡು ಕಾರ್ಮಿಕೆರ್ ಪಿದಯಿ ಪೋದಿತ್ತಿನೆರ್ದಾವರ ಎಚ್ಚಿನ ಅನಾಹುತ ತತ್ತ್‌ದ್ಂಡ್. ಉಪ್ಪಳ ಬೊಕ್ಕ ಕಾಸ್ರೋಡ್‌ರ್ದ್ ಬತ್ತಿನ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಸೂ ತೆಕ್ಕಾದ್ ಮಲ್ಲ ಮಟ್ಟ್‌ದ ಅನಾಹುತ ತಪ್ಪಾದೆರ್.