Last updated on February 10th, 2026 at 09:56 am
ಕುಡ್ಲ, ಫೆ. 10: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆದ ಬಸ್ಸ್ಲೆಗ್ ಮಂಗಳೂರು ಜಿಲ್ಲಾಧಿಕಾರಿಲೆನ ಕಚೇರಿದ ಪರ ಅಧಿಸೂಚನೆರ್ದ್ ವಿನಾಯಿತಿ ಕೊರ್ದಿತ್ತ್ದ್, ನನ ದುಂಬಗ್ ಪೇಂಟೆದ ಕೇಂದ್ರ ಭಾಗೊಡ್ಲಾ ಪೋವೊಲಿ.
ಉಂದೆಕ್ ದುಂಬು ಜಿಲ್ಲಾಧಿಕಾರಿ ಕಚೇರಿದ ತೇದಿ 5-1-1991 ಬೊಕ್ಕ 9-4-1993ತ ಅಧಿಸೂಚನೆ ಕೆಎಸ್ಆರ್ಟಿಸಿ ಬಸ್ಲೆಗ್ ಪೇಂಟೆದ ಉಲಯಿ ಬಲಿಪೆರೆ ಬುಡ್ಪೆದಿಜಿ. ಇತ್ತೆ ಅವೆಕ್ ವಿನಾಯಿಯತಿ ಕೊರ್ದು ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್.
ಸಾರ್ವಜನಿಕೆರ್, ವಿದ್ಯಾರ್ಥಿಲು ಬೊಕ್ಕ ಪೊಂಜೊವುನಕುಲೆನ ಶಕ್ತಿ ಯೋಜನೆಗ್ ಅನುಕೂಲ ಆಪಿಲೆಕ ಬೊಕ್ಕ ಸಾರ್ವಜನಿಕ ಆಸ್ಪತ್ರೆಲೆಗ್ ಪೋಪುನಕ್ಲೆಗ್ ಎಚ್ಚಿಗೆ ಅನುಕೂಲ ಆಪಿಲೆಕ ಮಲ್ಪೆರೆ ಈ ನಿರ್ಧಾರ ಗೆತೊಂದೆರ್. ಕುಡ್ಲ ಪೇಂಟೆದ ಕೇಂದ್ರ ಪ್ರದೇಶೊಲೆಡ್ ಸಾರ್ವಜನಿಕ ಸಾಮೂಹಿಕ ಸಾರಿಗೆಗ್ ಉಮೇದ್ ದಿಂಜಾಯೆರ, ಸಾರ್ವಜನಿಕ ಅನುಕೂಲತೆ ಬೊಕ್ಕ ಸುರಕ್ಷತೆಗ್ ಬೋಡಾದ್ ಅಂಚೆನೇ ಪ್ರೈವೇಟ್ ಗಾಡಿಲೆನ ಗಲಕೆ ಕಮ್ಮಿ ಮಲ್ಪುನವು ಈ ಕ್ರಮೊತ ಉದ್ದೇಶ ಪನ್ದ್ ಆದೇಶೊಡು ತೆರಿಪಾದೆರ್.