Last updated on February 12th, 2026 at 08:39 am
ಉಬಾರ್, ಫೆ. 12: ತೆಕ್ಕಾರ್ ಗ್ರಾಮೊದ ಕನರಾಜೆ ಪನ್ಪಿನಲ್ಪ ಪಿಕಪ್ ಗಾಡಿ ಒಂಜಿ ಕಬ್ಬೆ ಬೂರ್ದು ಡ್ರೈವರ್ ತೀರ್ದಿನ ನಡಕೆ ಬುಧವಾರ ನಡತ್ದ್ಂಡ್.
ಪಿಕಪ್ಡ್ ಸೆಂಟ್ರಿಂಗ್ ಬೇಲೆದ ಸೊತ್ತುಲೆನ್ ಕೊನೊವೊಂದಿತ್ತೆರ್. ಈ ಪೊರ್ತುಡು ಮಿತ್ತ್ದ ಸಾದಿರ್ದ್ ಪಿಕಪ್ ತಿರ್ತ್ದ ಸಾದಿಗ್ ಪಲ್ಟಿಯಾದ್ ಬೂರ್ದಿತ್ತ್ದ್, ಗಾಡಿಡಿತ್ತಿನ ಅಳಕ್ಕೆ ನಿವಾಸಿ ಹರಿಶ್ಚಂದ್ರ ಪನ್ಪಿನಾರೆನ ಮಗೆ ಹೇಮಚಂದ್ರೆ (32) ಪನ್ಪಿನಾರ್ ಗಾತಿದ ಗಡಿಕುಲಾದ್ ಅಲ್ಪನೇ ತೀರ್ದೆರ್. ಪಿಕಪ್ಡ್ ಇತ್ತಿನ ಉಮ್ಮರಬ್ಬ (51) ಪನ್ಪಿನಾರೆಗ್ ಗಡಿಕುಲಾದ್ ಆಸ್ಪತ್ರೆಗ್ ದಾಕಲಾತೆರ್. ನಡಕೆದ ಬಗೆಟ್ ಪುತ್ತೂರು ಸಂಚಾರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.