Last updated on February 16th, 2026 at 09:40 am
ಕಾಸ್ರೋಡ್, ಫೆ. 16: ಕೇರಳದ ಸೋಶಿಯಲ್ ಮೀಡಿಯಾ ಇನ್ಫ್ಲೂಯೆನ್ಸರ್ ಚಿನ್ನುಪಾಪು ಯಾನೆ ರೇಷ್ಮಾ ನ ಬಾರೀ ಮುಟ್ಟದ ದೋಸ್ತಿ ಸಂದೇಶ್ ಫೆ.15 ತಾನಿ ಆತ್ಮಹತ್ಯೆ ಮಲ್ತೊಂದೆರ್.
ಕಾಸ್ರೋಡ್ದ ಮನ್ನಿಪಾಡಿಡ್ ಇಪ್ಪುನ ತನ್ನ ಇಲ್ಲಡ್ ಬಲ್ಲ್ ಪಾಡೊಂದಿನ ಸ್ಥಿತಿಟ್ ರೇಷ್ಮಾನ ದೋಸ್ತಿ ಸಂದೇಶ್ ತಿಕ್ಕ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಫೆಬ್ರವರಿ 9 ದಾನಿ ಚಿನ್ನುಪಾಪು ಪನ್ದೇ ಪುದರಾದಿತ್ತಿನ ರೇಷ್ಮಾ ಕಾಸ್ರೋಡ್ದ ಬಾಡಾಯಿದಿಲ್ಲಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ಸ್ಥಿತಿಟ್ ತಿಕ್ಕ್ದಿತ್ತೆರ್.
ರೇಷ್ಮಾನ ಸಾವುದ ಜಡ್ತೆದ ಭಾಗ ಆದ್ ಸಂದೇಶ್ ರೆನ ಪಾತೆರೊನು ದಾಕಲ್ತ್ದಿತ್ತ್ದ್, ಉಂದಾದ್ ಒಂತೆ ದಿನೊಟೇ ಸಂದೇಶ್ ತೀರ್ದಿನ ಸ್ಥಿತಿಟ್ ತಿಕ್ಕ್ದಿನ ಪಾಕ ಅನುಮಾನೊಲೆಗ್ ನೆವನ ಆತ್ಂಡ್. ಚಿನ್ನುಪಾಪು ರೇಷ್ಮಾ ಬೊಕ್ಕ ದೋಸ್ತಿ ಸಂದೇಶ್ ತೀರ್ದಿನೆತ ನಡುಟು ದಾಲ ಸಂಬಂಧ ಉಂಡಾ ಪನ್ಪಿ ಬಗೆಟ್ ಕಾಸ್ರೋಡ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.