Last updated on October 22nd, 2022 at 04:49 pm
ಕುಡ್ಲ: ಪ್ರೈವೇಟ್ ಬಸ್‌ದ ಭರಸ್‌ರ್ದಾವರ 13 ವರ್ಸ ಪ್ರಾಯೊದ ಆಣ್ ಬಾಲೆ ಸಾದಿಡೇ ತನ್ನ ಜೂವ ಬುಡ್ನ ಘಟನೆ ಲಾಲ್‌ಬಾಗ್‌ಡ್ ಅಕ್ಟೋಬರ್ 17ಕ್ ನಡತ್ಂಡ್. ಈ ಬಾಲೆ ಕಣ್ಣೂರ್‌ದ ರಕ್ಷಣ್ ಪಂದ್ ತೆರಿದ್ ಬೈದ್ಂಡ್.
ಸ್ಕೂಟರ್ ಬುಡೊಂದಿತ್ತಿನ ನಾರಾಯಣ ಪನ್ಪಿನಾರೆಗ್ ಗಾತಿದ ಪೆಟ್ಟ್ ಆತ್ಂಡ್. ಮೇರ್ ರಕ್ಷಣ್‌ನ್ ಪಿರವುಡು ಕುಲ್ಲಾವೊಂದು ಕೊಟ್ಟಾರೊರ್ದು ಕುಡ್ಲಗ್ ಬನ್ನಗ ಈ ಏಕ್ಸಿಡೆಂಟ್ ಆತ್ಂಡ್. ಕುಡ್ಲ -ಕಿನ್ನಿಗೋಳಿ-ಕಟೀಲ್‌ ಸಾದಿಡ್ ಪೋಪುನ ಸರ್ವಿಸ್ ಬಸ್ ನನೊಂಜಿ ಬಸ್‌ನ್ ಓವರ್‌ಟೇಕ್ ಮನ್ಪುನ ಪೊರ್ತುಡು ಎದುರಿತ್ತಿನ ಸ್ಕೂಟರ್‌ಗ್ ಡಿಕ್ಕಿ ಆತ್ಂಡ್. ನಾರಾಯಣೆರೆನ್ ಆಸ್ಪತ್ರೆ ಸೇರಾದ್ಂಡ್ ಆಂಡ ಬಾಲೆ ರಕ್ಷಣ್ ಜಾಗೆಡೇ ಜೂವ ಬುಡ್ಯೆರ್.