Last updated on February 18th, 2026 at 09:19 am
ಕುಡ್ಲ, ಫೆ. 18: ಕುಡ್ಲದ ಶ್ರೀನಿವಾಸ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್ದ ಸ್ಥಾಪಕ ಅಧ್ಯಕ್ಷೆರ್, ಶ್ರೀನಿವಾಸ ವಿಶ್ವವಿದ್ಯಾನಿಲಯದ ಕುಲಾಧಿಪತಿ ಡಾ. ಸಿಎ ಎ. ರಾಘವೇಂದ್ರ ರಾವ್ (88) ಕೋಡೆ, ಅಂಗಾರೆ ರಾತ್ರೆ ತೀರ್ಯೆರ್.
1988ಡ್ ಎ. ಶಾಮ್ ರಾವ್ ಪ್ರತಿಷ್ಠಾನೊನು ತಾಪನೆ ಮಲ್ತಿನ ಡಾ. ಸಿ.ಎ. ಎ. ರಾಘವೇಂದ್ರ ರಾವ್ ಮೇರ್, ಶ್ರೀನಿವಾಸ್ ಗ್ರೂಪ್ ಆಫ್ ಕಾಲೇಜ್ಲ್ ರಾಜ್ಯೊದ ಪ್ರಮುಖ ಶಿಕ್ಷಣ ಸಂಸ್ಥೆಲಾದ್ ಬುಲೆಯೆರ ಪಾಕ ಪೊರ್ಮ್ಬುದಿನಾರ್.
ಏಳ್ ವಿದ್ಯಾರ್ಥಿಲೆರ್ದ್ ಸುರು ಆಯಿನ ಶ್ರೀನಿವಾಸ್ ಕಾಲೇಜ್ ಆಫ್ ಹೋಟೆಲ್ ಮ್ಯಾನೇಜ್ಮೆಂಟ್ ಬೊಕ್ಕ ಬೇತೆ ಪ್ರೊಫೆಷನಲ್ ಅಂಚೆನೇ ಉನ್ನತ ಶಿಕ್ಷಣ ಸಂಸ್ಥೆ ಆದ್ ಬುಲೆದ್ಂಡ್. ಮೇರ್ ಬೊಡೆದಿ ವಿಜಯಲಕ್ಷ್ಮಿ, ಮಗಲ್ ಪದ್ಮಿನಿ, ಮಗೆ ಶ್ರೀನಿವಾಸ್ ಬೊಕ್ಕ ನಾಲ್ವೆರ್ ಪುಲ್ಲಿಯರ್ಲೆನ್ ಅಗತ್ದೆರ್.