ಒಡಿಪು: ಸನ್ಯಾಸಿನ ಏಸ ಪಾಡೊಂದು ಡೂಪ್ಲಿಕೇಟ್ ಪಿಲಿತ ಉಗುರು ಮಾರೊಂದಿತ್ತಿನ ಆಂಜೊವು ಅರೆಸ್ಟ್

Last updated on February 23rd, 2026 at 07:23 pm

ಒಡಿಪು, ಫೆ. 23: ಒರಿಜಿನಲ್ ಪಿಲಿತ ಉಗುರು ಪನ್ದ್ ನಂಬಾದ್ ಡೂಪ್ಲಿಕೇಟ್ ಉಗುರುನ್ ಮಾರೊಂದಿತ್ತಿನ ಆಂಜೊವು ಒರಿಯನ್ ಒಡಿಪು ಅರಣ್ಯ ಇಲಾಖೆದ ಅಧಿಕಾರಿಲು ಉಲಕೈ ಮಲ್ತೊಂದೆರ್.

ಸನ್ಯಾಸಿನ ಏಸ ಪಾಡೊಂದಿನ ಆರೋಪಿ, ಎನಡ ಇಪ್ಪುನ ಪಿಲಿತ ಉಗುರು ಒರಿಜಿನಲ್ ಪನ್ದ್ ಜನೊಕ್ಲೆನ್ ನಂಬಾಯೆರ ತೂವೊಂದಿತ್ತೆ. ಆಯನ್ ತೂದು ಅನುಮಾನ ಬತ್ತಿನ ಸಾರ್ವಜನಿಕೆರ್ ಜಿಲ್ಲಾ ನಾಗರಿಕ ಸಮಿತಿದ ಕಾರ್ಯಕರ್ತೆರೆಗ್ ಒಲವು ಕೊರ್ತೆರ್.

ಒಲವು ತಿಕ್ಕಿನೇ ಸಮಾಜ ಸೇವಕೆ ನಿತ್ಯಾನಂದ ಒಳಕಾಡ್ ಬೊಕ್ಕ ತಾರಾನಾಥ್ ಮೇಸ್ತ ಶಿರೂರು ಮೊಕುಲು ಕಾರ್ಯಾಚರಣೆಗ್ ಸಹಕರಿತ್‌ದೆರ್. ಈ ಪೊರ್ತುಡು ಆರೋಪಿ ಪದ್ರಾಡಾಯೆರ ತೂನಗ, ಒಡಿಪು ನಗರ ಸ್ಟೇಶನ್ ಪೊಲೀಸೆರ್ ಪರ ಬಸ್ ಉಂತಡೆದಲ್ಪ ಆಯನ್ ಪತ್ತ್‌ದೆರ್.

ಕೈದಾತಿನಾಯನ್ ಎಚ್ಚಿಗೆ ವಿಚಾರಣೆಗ್ ಅರಣ್ಯ ಇಲಾಖೆದ ಅಧಿಕಾರಿಲೆಗ್ ಹಸ್ತಾಂತರ ಮಲ್ತ್‌ದೆರ್.

‘ಒರಿಜಿನಲ್’ ಗ್ ಒಮ್ಬುನ ತುಳು ಪದೊ ತೆರಿದಿತ್ತ್ಂಡ 8722529750 ಗ್ ತೆರಿಪಾಲೆ