Last updated on March 4th, 2026 at 12:20 pm
ಮಲ್ಪೆ, ಮಾ. 04: ಹಿಂದೂ ಯುವ ಸೇನೆದ ಮುಖಂಡೆ ಮಂಜು ಕೊಳ ಯಾನೇ ಮಂಜುನಾಥ ಸಾಲಿಯಾನ್ ಮೆರೆಗ್ ಬೀಸತ್ತಿ ಪಾಡ್ದಿನ ಪ್ರಕರಣೊಗು ಸಂಬಂಧಿತ್ದ್ ಐವೆರ್ ಆರೋಪಿಲೆನ್ ಪೊಲೀಸೆರ್ ಬುಧವಾರ (ಮಾ.04) ಕೈದ್ ಮಲ್ತ್ದೆರ್.
ಪಲಿಮಾರ್ದ ಪ್ರಜೇಶ್, ಪುನೀತ್, ಅಮೃತ್, ಅಭಿಜಿತ್ ಬೊಕ್ಕ ಕುಡೊರಿ ಆರೋಪಿನ್ ಉಲಕೈ ಮಲ್ತೊಂದೆರ್.
ನಡಕೆದ ಒಲವು: ಮೋಕೆದ ವಿಚಾರೊಡು ರಾಜಿ ಪಂಚಾತಿಗೆ ಮಲ್ಪಾಯೆರ ಮಂಜು ಕೊಳ ಮೆರೆನ್ ಲೆಪ್ಪುಡಾದಿತ್ತೆರ್ಗೆ. ಈ ಪೊರ್ತುಡು ಪಾತೆರೊಗು ಪಾತೆರ ಬುಲೆದ್ ಜವನೆ ಬೀಸತ್ತಿ ಪಾಡ್ದೆ ಪನ್ದ್ ತೆರಿದ್ ಬೈದ್ಂಡ್. ಬಂಜಿಗ್ ಬೀಸತ್ತಿ ಬೂರ್ದಿನೆರ್ದಾವರ ಅಲ್ಪನೇ ಕುಸ್ಕ್ದ್ ಬೂರ್ದಿನ ಮಂಜು ಕೊಳ ಮೆರೆನ್ ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಈ ಕೃತ್ಯ ವೈಯಕ್ತಿಕ ನೆವನೊಲೆರ್ದಾವರ ನಡತ್ದ್ಂಡ್. ಈ ನಡಕೆಗ್ ಒವ್ವೇ ಕೋಮು ಪಗೆ ಇಜ್ಜಿ. ಅಂಚಾದ್ ಏರ್ಲಾ ಕಲುಸುದ್ದಿ ಪಟ್ಟೆರೆ ಬಲ್ಲಿ. ಗಡಿಕುಲಾತಿನ ಮಂಜು ಕೊಳ ಉಂಬರೊರ್ದು ಬಚಾವಾತೆರ್, ಆರೋಗ್ಯ ಸ್ಥಿತಿ ಸಮ ಆವೊಂದುಂಡು ಪನ್ದ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆ ಹರಿರಾಮ್ ಶಂಕರ್ ತೆರಿಪಾದೆರ್.