Last updated on March 5th, 2026 at 09:25 am
ಪುತ್ತೂರ್, ಮಾ. 05: ಬೈಕ್ಡ್ ಬತ್ತಿನ ಜವನೆ ಒರಿ ಪಿಸ್ತೂಲ್ ತೋಜಾದ್ ಕಾರ್ಡ್ ಬತ್ತಿನ ಪುತ್ತೂರ್ ಕೆಮ್ಮಿಂಜೆದ ಅಬ್ದುಲ್ ಹಕೀಂ ಪನ್ಪಿನಾರೆಗ್ ನಡು ಸಾದಿಡ್, ಶೂಟ್ ಮಲ್ಪುವೆ ಪನ್ದ್ ಪೋಡಿಕಟ್ಟಾದಿನ ನಡಕೆ ತೇದಿ 02-03-2026 ತಾನಿ ಮಧ್ಯಾಹ್ನ, ಪುತ್ತೂರು ರಿಲ್ಯಾನ್ಸ್ ಮಾಲ್ದ ಕೈತಲ್ ನಡತಿತ್ತ್ಂಡ್. ಪ್ರಕರಣೊಗು ಸಂಬಂಧಿತ್ದ್ ಒರಿ ಆರೋಪಿನ್ ಪೊಲೀಸೆರ್ ಉಲಕೈ ಮಲ್ತೊಂದೆರ್.
ಕೈದಾತಿನಾಯನ್ ಪುತ್ತೂರ್ದ ಮಹಮ್ಮದ್ ಶಫಿಕ್ (19) ಪನ್ದ್ ಗುರ್ತ ಪತ್ತ್ದೆರ್. ಆರೋಪಿ ಟೂವೀಲರ್ಡ್ ಹೆಲ್ಮೆಟ್ ಪಾಡಂದೆ ಬತ್ತ್ದ್ ಅಬ್ದುಲ್ ಹಕೀಂ ರೆನ್ ಅಡ್ಡ ಕಟ್ಟ್ದ್ ಉಂತಾದ್ ಬೊಕ್ಕ ತನಡ ಇತ್ತಿನ ಪಿಸ್ತೂಲ್ ತೋಜಾದ್ ಶೂಟ್ ಮಲ್ಪುವೆ ಪನ್ದ್ ಪೋಡಿಕಟ್ಟಾದೆ. ಈ ಪೊರ್ತುಗು ಅಲ್ಪನೇ ಇತ್ತಿನಕುಲು ಆಯನ್ ಪತ್ತೆರೆ ಪೋನಗ ಆರೋಪಿ ಬೈಕ್ ಬುಡೊಂದು ಪದ್ರಾಡಾತೆ.
ನಡಕೆಗ್ ಸಂಬಂಧಿತ್ದ್ ಪುತ್ತೂರ್ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್. ಜಡ್ತೆ ಮಲ್ತಿನ ಪೊಲೀಸೆರ್ ಅರೋಪಿನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.