Last updated on March 6th, 2026 at 07:42 am
ಒಡಿಪು, ಮಾ. 05: ಪೇಂಟೆಡ್ ಆರೆನನೇ ಇಲ್ಲದ ಉಗ್ಗೆಲ್ಗ್ ಬೂರ್ದಿತ್ತಿನ ಆಂಜೊವುನು ಒಡಿಪು ಜಿಲ್ಲಾ ಅಗ್ನಿಶಾಮಕ ಬೊಕ್ಕ ತುರ್ತ ಸೇವೆಲೆನ ಸಿಬ್ಬಂದಿಲು ಯಶಸ್ವಿಯಾದ್ ಬದ್ಕಾದೆರ್.
ಉಗ್ಗೆಲ್ಗ್ ಬೂರ್ದಿನಾರೆನ್ ಒಡಿಪುದ ಸಗ್ರಿ ನಿವಾಸಿ ಜಯಕರ ನಾಯಕ್ (59) ಪನ್ದ್ ಗುರ್ತ ಪತ್ತ್ದೆರ್.
ಇಲ್ಲದ ಸುತ್ತುಮದೆಲ್ದ ಉಲಯಿ ಇಪ್ಪುನ ಉಗ್ಗೆಲ್ಗ್ ಬೂರ್ದೆರ್. ಆರ್ ತತ್ತ್ದ್ ಕಾರ್ ಜಾರ್ದ್ ಬೂರ್ದುಪ್ಪೆರ್ ಅತ್ತ್ಂಡ ಉಗ್ಗೆಲ್ಗ್ ಲಾಗಿದುಪ್ಪೆರ್ ಪನ್ದ್ ಅಂದಾಜಿ ಮಲ್ತ್ದೆರ್. ಜಯಕರೆ ಮೇರೆಗ್ ಬಾರೀ ಕುಡ್ಚುನ ಅಭ್ಯಾಸ ಇತ್ತ್ಂಡ್ ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್.
ವಿಷಯ ತೆರಿನನೇ ಜಾಗೆಗ್ ಬತ್ತಿನ ಅಗ್ನಿಶಾಮಕ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆನ್ ಮಲ್ತೆರ್. ಸುಮಾರ್ ಅರ್ಧ ಗಂಟೆ ಬುಡಂದೆ ಪುನೆದ್, ಜೂವೊದಾಸೆ ಬುಡ್ದು ಆಂಜೊವುನು ಉಗ್ಗೆಲ್ರ್ದ್ ಮಿತ್ತ್ ದೇರ್ಪುನೆಟ್ ಯಶಸ್ವಿಯಾತೆರ್.
ಮಿತ್ತ್ ದೇರ್ತಿಬೊಕ್ಕ, ಜಯಕರೆರೆನ್ ಮರ್ದ್ಗ್ ಕೈತಲ್ದ ಆಸ್ಪತ್ರೆಗ್ ದಾಕಲ್ತ್ದೆರ್. ಇತ್ತೆ ಆರ್ ಉಂಬರೊರ್ದು ಬಚಾವಾತೆರ್ ಪನ್ದ್ ವರದಿ ಆತ್ಂಡ್.
ಅಗ್ನಿಶಾಮಕ ಬೊಕ್ಕ ತುರ್ತ ಸೇವಾ ಸಿಬ್ಬಂದಿಲೆನ ಸಾಹಸೊನು ಮಾತೆರ್ಲಾ ಪುಗರೊಂದುಲ್ಲೆರ್.