Last updated on March 10th, 2026 at 04:21 pm
ಪುತ್ತೂರ್, ಮಾ. 10: ಕಣಿಯೂರು ಗ್ರಾಮೊದ ಮುದಲ್ತಿಯಾರ್ ಪನ್ಪಿನಲ್ಪ ಬ್ಯಾರಲ್ ಬೊಕ್ಕ ಕ್ಯಾನ್ಲೆಡ್ ಅಕ್ರಮವಾದ್ ಡೀಸಿಲ್ ದಿಂಜಾದ್ ದೀತಿನವು ತಿಕ್ಕ್ದ್ ಬೂರ್ದ್ಂಡ್.
ಮಾ. 9 ದಾನಿ ರಾತ್ರೆ ಬೋಲ್ತೇರ್ ಉಪವಿಭಾಗೊದ ಪೊಲೀಸ್ ಉಪಾಧೀಕ್ಷಕೆದಿ ರೋಹಿಣಿ ಸಿ ಕೆ ಮೆರೆಗ್ ತಿಕ್ಕಿನ ಒಲವುದ ಪ್ರಕಾರ, ಬೋಲ್ತೇರ್ ಕಣಿಯೂರು ಗ್ರಾಮೊದ ಮುದಲ್ತಿಯಾರ್ ಪನ್ಪಿನಲ್ಪ ಅಕ್ರಮವಾದ್ ಡೀಸೆಲ್ನ್ ಬ್ಯಾರಲ್ ಬೊಕ್ಕ ಕ್ಯಾನ್ಲೆಡ್ ದಿಂಜಾದ್ ದೀತೆರ್ ಪನ್ದ್ ತೆರಿದ್ ಬತ್ತಿನೆರ್ದಾವರ, ಉಬಾರ್ ವೃತ್ತ ನಿರೀಕ್ಷಕೆರ್ ಬೊಕ್ಕ ಉಬಾರ್ ಠಾಣಾಧಿಕಾರಿಲು ದಾಳಿ ಮಲ್ತ್ದೆರ್.
ಜಗದೀಶ್ (35) ಪನ್ಪಿನಾರೆನ ಇಲ್ಲದ ಕೈತಲ್ ಶೆಡ್ಡ್ ನಾಡ್ನಗ, ಸುಮಾರ್ 200 ಲೀಟರ್ ಪತ್ತುನ 20 ಬ್ಯಾರೆಲ್ ಬೊಕ್ಕ ಸುಮಾರ್ 35 ಲೀಟರ್ ಪತ್ತುನ 5 ಕ್ಯಾನ್ ಲೆಡ್ ಒಟ್ಟು ಸುಮಾರ್ 4,175 ಲೀಟರ್ ಡೀಸೆಲ್ ದಿಂಜಾದ್ ದೀತಿನ ತೋಜಿದ್ ಬೈದ್ಂಡ್. ಅಲ್ಪ ಬೊಕಲಾ ಖಾಲಿ ಬ್ಯಾರೆಲ್ ಬೊಕ್ಕ ಖಾಲಿ ಕ್ಯಾನ್ ಅಂಚೆನೇ ಬೇತೆ ಸೊತ್ತುಲು ತಿಕ್ಕ್ದ .
ಈ ಮಾತಾ ಸೊತ್ತುಲೆನ ಅಂದಾಜಿ ಮೌಲ್ಯ ರೂ 3,50,000 ಆದಿತ್ತ್ದ್, ಪ್ರಕರಣೊದ ಆರೋಪಿ ಜಗದೀಶ್ಡ ಈ ಬಗೆಟ್ ವಿಚಾರಣೆ ಮಲ್ಪುನಗ, ಒವ್ವೇ ಲೈಸೆನ್ಸ್ ದಾಂತೆ ಅಂಚೆನೇ ಒವ್ವೇ ಸುರಕ್ಷತಾ ಕ್ರಮೊಕುಲೆನ್ ಪಾಲಿಪಂದೆ ಅಕ್ರಮದ್ ಡೀಸೆಲ್ ದಿಂಜಾದ್ ದೀತಿನ ತೆರಿದ್ ಬೈದ್ಂಡ್.
ಈ ಬಗೆಟ್ ಉಬಾರ್ ಪೊಲೀಸ್ ಸ್ಟೇಶನ್ಡ್ ಅ.ಕ್ರ: 35/2026, ಕಲಂ: THE BHARATIYA NYAYA SANHITA (BNS), 2023 (U/s-287); ESSENTIAL COMMODITIES ACT, 1955
(U/s-3,7); PETROLEUM ACT, 1934 (U/s-23); THE BHARATIYA NYAYA SANHITA (BNS), 2023 (U/s-3(5)) ದ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.