Last updated on March 11th, 2026 at 04:35 pm
ಜಮ್ಮು, ಮಾ. 11: ಜಮ್ಮು ಬೊಕ್ಕ ಕಾಶ್ಮೀರದ ರಜೌರಿ ಜಿಲ್ಲೆದ ನಿಯಂತ್ರಣ ರೇಖೆದ (LoC) ಕೈತಲ್ ಅಂಗಾರೆ ಭಾರತೀಯ ಸೇನಾಪಡೆತ ಕೈಟ್ ಸೈತಿನ ಉಗ್ರನ್ ಪಾಕಿಸ್ತಾನ ಮೂಲದ ಲಷ್ಕರ್-ಎ-ತೈಬಾ (LeT) ಸಂಘಟನೆದ ಪ್ರಮುಖ ಕಾರ್ಯಾಚರಣೆಗಾರೆ ಪನ್ದ್ ಗುರ್ತ ಪತ್ತ್ದೆರ್.
ಆಯನ್ ಕೆರ್ತಿನೆಟ್ ಗಡಿದ ಆಮೆಯಿತ ಉಗ್ರೆರೆ ನೆಟ್ವರ್ಕ್ಗ್ ಮಲ್ಲ ಪೆಟ್ಟ್ ಬೂರ್ದ್ಂಡ್ ಪನ್ದ್ ಅಧಿಕಾರಿಲು ಬುಧವಾರ ತೆರಿಪಾಯೆರ್.
ಅಂಗಾರೆ ಮಧ್ಯಾಹ್ನ 3 ಗಂಟೆದ ಅಂದಾಜಿಗ್ ನೌಶೇರಾ ಸೆಕ್ಟರ್ದ ಜಂಗರ್ ಪ್ರದೇಶೊಡು ಇರ್ವೆರ್ ಉಗ್ರೆರ್ ಭಾರತೊದ ಗಡಿತುಲಯಿ ಪೊಗ್ಗೆರೆ ತೂವೊಂದುಪ್ಪುನಗ ಸೇನೆ ದಾಳಿ ಮಲ್ತಿತ್ತ್ಂಡ್. ಈ ಪೊರ್ತುಡು ಒರಿ ಉಗ್ರೆ ಸೈತಿತ್ತ್ದ್, ಕುಡೊರಿ ಪಾಕಿಸ್ತಾನೊದಂಚಿ ಪದ್ರಾಡಾತೆ.
ಸೇನೆದ ಗುಪ್ತಚರ ಒಲವು ಬೊಕ್ಕ ಇತ್ತೆ ಇಪ್ಪುನ ದಾಖಲೆಲೆನ ಆಧಾರೊಡು, ಸೈದಿನ ಉಗ್ರನ್ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದ (PoK) ಹಮ್ಜಾ ಯೂಸುಫ್ ಪನ್ದ್ ಗುರ್ತ ಪತ್ತ್ದೆರ್. ಆಯೆ ಲಷ್ಕರ್-ಎ-ತೈಬಾ ಸಂಘಟನೆದ ‘ಲಾಂಚ್ಪ್ಯಾಡ್ ಮಾಡ್ಯೂಲ್’ದ ಪೆರಿಯ ಪದುಕೆ ಆದಿತ್ತ್ದ್, ಸಶಸ್ತ್ರ ಉಗ್ರೆರೆನ್ ಭಾರತದುಲಯಿ ಪೊಗ್ಗಾಯೆರೆ ಸಕಾಯ ಮಲ್ಪುನ ಮಲ್ಲ ಜವಾಬ್ದಾರಿ ಆಯನ ಪುಗೆಲ್ಡ್ ಇತ್ತ್ಂಡ್ ಪನ್ದ್ ಸೇನೆ ತೆರಿಪಾದ್ಂಡ್.
ಜಾಗೆಡ್ ನಡತಿನ ಶೋಧ ಕಾರ್ಯೊಡು ಸೈದಿನ ಉಗ್ರಡ ಇತ್ತಿನ ಮಲ್ಲ ಪ್ರಮಾಣೊದ ಶಸ್ತ್ರಾಸ್ತ್ರೊಲೆನ್ ಉಲಕೈ ಮಲ್ತೊಂದೆರ್. ಆಯನ ಕೈಟ್ ಒಂಜಿ ಎಕೆ ರೈಫಲ್ ಬೊಕ್ಕ 2 ಮ್ಯಾಗಜೀನ್, ರಡ್ಡ್ ಪಿಸ್ತೂಲ್ ಬೊಕ್ಕ 4 ಮ್ಯಾಗಜೀನ್, 58 ಲೈವ್ ಗುಂಡುಲು ಬೊಕ್ಕ 3 ಹ್ಯಾಂಡ್ ಗ್ರೆನೇಡ್ಲು, ಮೊಬೈಲ್ ಸೆಟ್, 2 ಸಿಮ್ ಕಾರ್ಡ್ ಬೊಕ್ಕ ಪಾಕಿಸ್ತಾನಿ ಕರೆನ್ಸಿ ತಿಕ್ಕ್ದ್ಂಡ್.