Last updated on March 19th, 2026 at 09:35 am
ಬಂಟ್ವಾಳ, ಮಾ. 18: ನೇತ್ರಾವತಿ ಸುದೆ ಬರಿಟ್ ಇಪ್ಪುನ ಒಂಜಿ ಇಲ್ಲದ ಜಾಲ್ಗ್ ಮುದಲೆ ಒಂಜಿ ಬತ್ತಿನ ನಡಕೆ ನಡತ್ದ್ಂಡ್. ಪೂಪಾಡಿಕಟ್ಟೆ ನೆಕ್ಕಿಲಾರ್ ರಾಜೇಶ್ ನಾಯಕ್ ಪನ್ಪಿನಾರೆನ ಇಲ್ಲ ಜಾಲ್ಡ್ ಸುಮಾರ್ 7 ಫೀಟ್ ಉದ್ದೊದ ಮುದಲೆ ತೂವರೆ ತಿಕ್ಕ್ದ್ಂಡ್.
ನೇತ್ರಾವತಿ ಸುದೆತ ಕರೆರ್ದ್ ಸುಮಾರ್ 200 ಮೀ ದೂರೊಡು ಮೆರೆನ ಇಲ್ಲ್ ಉಂಡು. ಪುಲ್ಯ ಸುಮಾರ್ 3 ಗಂಟೆದ ಅಂದಾಜಿಗ್ ಲ್ಲ ಪಿದಯಿರ್ದ್ ದಾದನಾ ಶಬ್ದ ಕೇನ್ಡ್ ಪನ್ದ್ ಪಿದಯಿ ಬತ್ತ್ದ್ ತೂನಗ ಜಾಲ್ಡ್ ಮುದಲೆ ತೋಜಿದ್ಂಡ್. ಬೊಕ್ಕ ಮುದಲೆ ಇಲ್ಲ್ದ ಎದುರುದ ತೋಟದಂಚಿ ಪೋತುಂಡು ಪನ್ದ್ ಆರ್ ತೆರಿಪಾದೆರ್.