Last updated on March 19th, 2026 at 12:14 pm
ಕುಡ್ಲ, ಮಾರ್ಚ್ 19: ಪಿಲಿಕುಳ ಜೈವಿಕ ಉದ್ಯಾನವನೊಡು ಭಾರತೀಯ ಕುದ್ಕೆದಿ ‘ಗೀತಾ’ ಏಳ್ ಕಿನ್ನಿಲೆನ್ (ನಾಲ್ ಆಣ್ ಬೊಕ್ಕ ಮೂಜಿ ಪೊಣ್ಣು) ದೀದಿತ್ತ್ದ್, ಉಂದು ಏಪೊಲ ತೆಟ್ಟ್ ಸಂಗತಿಲೆಗೇ ಪುದರಾಪಿನ ಉದ್ಯಾನವನೊಡು ನಡತಿನ ವಿಶೇಷ ಬುಲೆಚ್ಚಿಲ್ ಪನ್ದ್ ಪನೊಲಿ.
3 ವರ್ಸೊರ್ದಿಂಚಿ ಪಿಲಿಕುಳ ಜೈವಿಕ ಉದ್ಯಾನವನೊಟು ಭಾರತೀಯ ಕುದ್ಕೆರೆನ್ ದೀದಿತ್ತ್ದ್, ಭಾರತೀಯ ಕುದ್ಕೆರೆನ ಕಡೀರ ಯಶಸ್ವಿ ಸಂತಾನೋತ್ಪತ್ತಿ ಉಂದಾದಿತ್ತ್ದ್, ಉದ್ಯಾನವನೊದ ಸಂರಕ್ಷಣೆ ಬೊಕ್ಕ ಪತ್ತ್ದಿನ ಸಂತಾನೋತ್ಪತ್ತಿ ಪುನೆಪುಲೆಡ್ ಉಂದೊಂಜಿ ಪ್ರಮುಖ ಮೈಲಿಗಲ್ಲಾದುಂಡು.
ಅಪ್ಪೆ ಕುದ್ಕೆದಿ ಬೊಕ್ಕ ಏಳ್ ಕಿನ್ನಿಲುಲಾ ಆರೋಗ್ಯವಾದುಲ್ಲ. ಪಶುವೈದ್ಯೆರ್ ಬೊಕ್ಕ ಪ್ರಾಣಿ ಪಾಲಕೆರ್ ಐಕ್ಲೆನ್ ಜಾಗೃತೆಡ್ ತೂವೊನೊಂದುಲ್ಲೆರ್. ಕಿನ್ನಿಲು ಇತ್ತೆ ಅರೋಗ್ಯೊಡು ಇತ್ತ್ದ್ ಅಂಚಿಂಚಿ ಬಲಿಪುನಾತ್ ಬಲತ್ದ, ಐಕ್ಲೆನ್ ಸಂದರ್ಶಕೆರೆಗ್ ತೂವರೆ ಬುಡೊಂದುಲ್ಲೆರ್.
ಇಂಚಿಪ ಪಿಲಿಕುಳದ ಅವ್ಯವಸ್ಥೆಲೆನ್ ತೂದು ಉದ್ಯಾನವನೊನೇ ಮುಚ್ಚಿಂಡ ದಾನೆ ಆವು ಪನ್ದ್ ಮುಚ್ಚುನಂಚಿ ಕೋರ್ಟ್ ಸೂಚನೆ ಕೊರಿಬೊಕ್ಕ ತುಳುನಾಡ್ದ ಒಂಜೇ ಒಂಜಿ ಜೈವಿಕ ಉದ್ಯಾನವನರ್ದ್ ಇತ್ತೆ ಕುಡ ಎಡ್ಡೆ ಸುದ್ದಿ ಕೇನರೆ ತಿಕ್ಕೊಂದುಪ್ಪುನವು ಕುಸಿತ ಸಂಗತಿ.