Last updated on March 19th, 2026 at 07:47 pm
ಕುಡ್ಲ, ಮಾ.19: ಸಾಮಾಜಿಕ ಬಲೆತ್ತಾನೊಡು ಕೋಮು ಪ್ರಚೋದನೆ ಉಂಡು ಮಲ್ಪುನಂಚಿನ ಪೋಸ್ಟ್ಲೆನ್ ಪಟ್ಟೊಂಡಿನ ಆರೋಪಡ್ ಬೋಲ್ತೇರ್ ತಾಲೂಕ್ದ ಜವನ್ದಿ ಒರ್ತಿನ್ ನಗರ ಪೊಲೀಸೆರ್ ಕೈದ್ ಮಲ್ತ್ದೆರ್.
2025ಟ್ ಬಜ್ಪೆ ಪೊಲೀಸ್ ಸ್ಟೇಶನ್ ಸೀಮೆಗ್ ಸಂಬಂಧಿತ್ದ್ ಸಾಮಾಜಿಕ ಬಲೆತ್ತಾನೊಡು ಪ್ರಚೋದನಕಾರಿ ವಿಷಯೊಲೆನ್ ಪಟ್ಟೊಂಡಿನ ಬಗೆಟ್ ಕಂಕನಾಡಿ ನಗರ ಪೊಲೀಸ್ ಸ್ಟೇಶನ್ಡ್ ಭಾರತೀಯ ನ್ಯಾಯ ಸಂಹಿತೆ (ಬಿ.ಎನ್.ಎಸ್.)-2023ದ ಕಲಂ 353(1), 353(2), 61(2) ಬೊಕ್ಕ 55ತ ಅಡಿಟ್ ಪ್ರಕರಣ ದಾಕಲಾದಿತ್ತ್ಂಡ್.
ಜಡ್ತೆಡ್ “Terrorism has religion and so called Terrorists too. Its Islam” ಪನ್ದ್ ಅಂಚೆನೇ ಬೇತೆ ಕೆಲ ವಿವಾದಾತ್ಮಕ ಪೋಸ್ಟ್ಲೆನ್ ಆರೋಪಿ ಪಟ್ಟೊಂದಿನ ಬೊಲ್ಪುಗು ಬೈದ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಅಂಚಾದ್ ಮಾ.19ದಾನಿ ಆರೋಪಿ ಪೊಣ್ಣನ್ ವಶೊಕು ಗೆತೊಂದು, ಸಂಬಂಧಿತನ ಮೊಬೈಲ್ ಫೋನ್ ಬೊಕ್ಕ ಸಾಮಾಜಿಕ ಬಲೆತ್ತಾನೊದ ಪೋಸ್ಟ್ಲೆನ ಒಲವು ಒಟ್ಟು ಮಲ್ತ್ದೆರ್.
ಆರೋಪಿ ಪೊಣ್ಣನ್ ನ್ಯಾಯಂತಡೆದ ಎದುರು ಲೆತೊಂದು ಪೋವೊಂದುಲ್ಲ ಪನ್ದ್ ಪೊಲೀಸೆರ್ ತೆರಿಪಾದೆರ್.