ಕಾಂಗ್ರೆಸ್ ಮುಖಂಡನ್ ಕೆರ್ಪುನ ಪುನೆಪು: ಬೀಸತ್ತಿ ಪಾಡ್ದ್ ಪದ್ರಾಡಾಯಿನ ಕೆಂಗುಡೆರ್

Last updated on March 25th, 2026 at 12:25 pm

ಕಾರವಾರ, ಮಾ. 25: ಉತ್ತರ ಕನ್ನಡ ಜಿಲ್ಲೆದ ಅಂಕೋಲ ತಾಲೂಕ್‌ದ ಕೇಣಿದ ಕೈತಲ್ ಕಾಂಗ್ರೆಸ್ ಮುಖಂಡೆ ಗೋಪಾಲಕೃಷ್ಣ ನಾಯ್ಕೆರೆಗ್ ಕೆಂಗುಡೆರ್ ಬೀಸತ್ತಿ ಪಾಡ್ದ್ ಪದ್ರಾಡಾತೆರ್. ಗೋಪಾಲಕೃಷ್ಣ ನಾಯ್ಕ್ ಮೇರ್ ಕಾರ್‌ಡ್ ಪೋವೊಂದುಪ್ಪುನಗ, ಗೋವಾ ರೆಜಿಸ್ಟ್ರೇಷನ್‌ದ ಫೋರ್ಡ್ ಕಾರ್‌ಡ್ ಬತ್ತಿನ ಕೆಂಗುಡೆರ್ ಆರೆನ್ ಅಡ್ಡಕಟ್ಟ್‌ದ್ ದಾಳಿ ಮಲ್ತ್‌ದೆರ್. ಸುರುಕ್ ರಾಡ್‌‌ಬ್ ಆಕ್‌ದ್ ಬೊಕ್ಕ , ಬೀಸತ್ತಿಡ್ ತರೆ ಬೊಕ್ಕ ಕೆಕ್ಕಿಲ್‌ದ ಭಾಗೊಗು ಕುತ್ತು‌ದೆರ್.

ಇತ್ತೆ, ಗಾತಿದ ಗಡಿಕುಲಾತಿನ ಗೋಪಾಲಕೃಷ್ಣ ನಾಯ್ಕೆರೆನ್ ಅಂಕೋಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಆರೆಗ್ ಮರ್ದ್ ನಡತೊಂದಿತ್ತ್‌ದ್, ಆರೋಗ್ಯ ಸ್ಥಿತಿ ಗಂಭೀರವಾದುಂಡು ಪನ್ದ್ ತೆರಿದ್ ಬೈದ್ಂಡ್.

ದಾಳಿ ಮಲ್ತಿ ಬೊಕ್ಕ  ಕೆಂಗುಡೆರ್ ಜಾಗೆರ್ದ್ ಪದ್ರಾಡಾದಿತ್ತ್‌ದ್, ಅಕ್ಲೆನ್ ಪತ್ತೆರೆ ಅಂಕೋಲ ಪೊಲೀಸೆರ್ ಕಾರ್ಯಾಚರಣೆ ಸರು ಮಲ್ತ್‌ದೆರ್. ದಾಳಿದ ಪಿರವುದ ನೆವನೊಲೆನ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಈ ನಡಕೆ ರಾಜಕೀಯ ವಲಯೊಡ್ಲಾ ಪೋಡಿಗೆ ಉಂಡುಮಲ್ದ್ಂಡ್.

ಎಚ್ಚಿಗೆ ಒಲವುಗು ಕಾತೊಂದುಲ್ಲ.