Last updated on March 25th, 2026 at 03:50 pm
ಒಡಿಪು, ಮಾ. 25: ಒವ್ವಾ ವಿಷಯೊಡು ಕಂಡನ್ಯಡ ನಡತಿನ ಲಡಯಿರ್ದ್ ಬೊಕ್ಕ 29 ವರ್ಸ ಪ್ರಾಯೊದ ಪೊಂಜೊವು ತನ್ನ 11 ವರ್ಸ ಪ್ರಾಯೊದ ಮಗಲೆನೊಟ್ಟುಗು ನಾಪತ್ತೆ ಆತಿನ ನಡಕೆ ಶುಕ್ರವಾರ, ಮಾರ್ಚ್ 20 ದಾನಿ ಬೆಳಪು ಗ್ರಾಮೊದ ಪುಂಚಲಕಾಡ್ ಪನ್ಪಿನಲ್ಪ ನಡತ್ದ್ಂಡ್.
ನಾಪತ್ತೆ ಆತಿನಕಲೆನ್ ರೇಣುಕಾ ಗಂಗಾಧರ ಪೂಜಾರ್ ಬೊಕ್ಕ ಆರೆನ ಮಗಲ್ ಪ್ರತೀಕ್ಷಾ ಗಂಗಾಧರ ಪೂಜಾರ್ ಪನ್ದ್ ಗುರ್ತ ಪತ್ತ್ದೆರ್. ಮೊಕುಲು ಪುಂಚಲಕಾಡ್ ಮರಿಯಾ ಬೇಕರಿದ ಕೈತಲ್ ಬಾಡಾಯಿದ ಇಲ್ಲಡ್ ಇತ್ತೆರ್.
ರೇಣುಕಾನ ಕಂಡನೆ ಗಂಗಾಧರ್ ಬರೆಪಾದಿನ ಒಯಿಲ್ದ ಪ್ರಕಾರ, ಮಾರ್ಚ್ 20 ದಾನಿ ಮಧ್ಯಾಹ್ನ ವನಸ್ದ ವಿಚಾರೊಡು ಕಂಡನೆ-ಬೊಡೆದಿನ ನಡುಟು ಎಲ್ಯ ಲಡಯಿ ಆದಿತ್ತ್ಂಡ್. ಲಡಯಿ ಆದ್ ಬೊಕ್ಕ, ಗಂಗಾಧರ್ ತನ್ನ ಬೊಡೆದಿಡ ಅಂಗಡಿಗ್ ಬೇಲೆಗ್ ಪೋಪೆ ಪನ್ದ್ ಪೋತೆರ್ಗೆ.
ಗಂಗಾಧರ್ ರಾತ್ರೆ ಬೇಲೆ ಮುಗಿತ್ದ್ ಇಲ್ಲಗ್ ಪಿರ ಬನ್ನಗ ಇಲ್ಲಗ್ ಬೀಗ ಪಾಡ್ದಿತ್ತ್ಂಡ್. ಉಲಯಿ ಪೋದು ತೂನಗ ರೇಣುಕಾ ತನ್ನ ಮೊಬೈಲ್ ಫೋನ್ನ್ ಅಲ್ಪನೇ ದೀದ್, ಮಗಲೆನೊಟ್ಟುಗು ನಾಪತ್ತೆ ಆತೆರ್ ಪನ್ದ್ ತೆರಿದ್ ಬೈದ್ಂಡ್.
ಏತ್ ನಾಡ್ಂಡಲಾ ಅಕಲೆನ್ ಪತ್ತೆರಾವಂದಿನೆರ್ದಾವರ, ಗಂಗಾಧರ್ ಅಧಿಕಾರಿಲೆನ್ ಸಂಪರ್ಕ ಮಲ್ತ್ದೆರ್. ಶಿರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಅಪ್ಪೆ ಬೊಕ್ಕ ಮಗಲೆನ್ ನಾಡ್ಪತ್ತೆರೆ ಜಡ್ತೆ ನಡತೊಂದುಂಡು.