Last updated on March 26th, 2026 at 04:35 pm
ಬೆಂಗಳೂರ್, ಮಾರ್ಚ್ 26: ಮಾ.30ಗ್ ನಡಪರೆ ಇತ್ತಿನ ಎಸ್ಎಸ್ಎಲ್ಸಿ ತುಳು, ಹಿಂದಿ, ಸಂಸ್ಕೃತ ಮೂಜನೇ ಬಾಸೆಲೆನ ಪರೀಕ್ಷೆ ಮಾ.31ಕ್ ಎದುರು ಪಾಡ್ದ ಪನ್ದ್ ಪರೀಕ್ಷಾ ಬೋರ್ಡ್ ಒಲವು ಕೊರ್ತುಂಡು.
ಮಹಾವೀರ ಜಯಂತಿದ ರಜೆನ್ ಪಿರಪಾಡಿನೆರ್ದಾವರ ಮಾ.30ಗ್ ನಡಪರೆ ಇತ್ತಿನ ಎಸ್ಎಸ್ಎಲ್ಸಿ ತೃತೀಯ ಭಾಷೆದ ಪರೀಕ್ಷೆನ್ ಮಾ.31ಕ್ ದುಂಬು ಪಾಡ್ದೆರ್. ಸುರುಕು ಮಾ.31ಕ್ ರಜೆ ಇತ್ತಿನೆರ್ದಾವರ ಮಾ.30ಗ್ ಹಿಂದಿ ಪರೀಕ್ಷೆ ಗೊತ್ತು ಮಲ್ತಿತ್ತೆರ್. ಇತ್ತೆ ಸರ್ಕಾರ ಪರಿಷ್ಕರಣೆ ಮಲ್ತ್ದ್, ಮಾ.31ತ ರಜೆನ್ ಮಾ.30ಗ್ ಘೋಷಣೆ ಮಲ್ದ್ಂಡ್. ಅಂಚಾದ್ ಪರೀಕ್ಷೆದ ದಿನೊನು ಪಗತ್ದ್, ಮಾ.31ಕ್ ನಡಪಾಯೆರ ತೀರ್ಮಾನ ಮಲ್ತ್ದೆರ್.
ಮಾಧ್ಯಮೊಲೆಗ್ ಕರ್ನಾಟಕ ಶಾಲಾ ಪರೀಕ್ಷೆ ಬೊಕ್ಕ ಮೌಲ್ಯ ನಿರ್ಣಯ ಮಂಡಳಿ ಒಲವು ಕೊರ್ದಿತ್ತ್ದ್ , ಮಹಾವೀರ ಜಯಂತಿ ರಜೆನ್ ಪಿರಪಾಡಿನೆರ್ದಾವರ ಪರೀಕ್ಷೆನ್ ಒಂಜಿ ದಿನ ದುಂಬು ಪಾಡ್ದ್ಂಡ್. ಮಾ.30ಗ್ ಮಹಾವೀರ ಜಯಂತಿದ ರಜೆ ಅಂಚೆನೇ ಮಾ.31ಕ್ಕ್ ತೃತೀಯ ಭಾಷೆ ಪರೀಕ್ಷೆ ನಡಪುಂಡು ಪನ್ದ್ ತೆರಿಪಾದ್ಂಡ್.