Last updated on March 28th, 2026 at 03:37 pm
ಕುಡ್ಲ, ಮಾರ್ಚ್ 28: ಬೆಂಗಳೂರು ಸೇರ್ದ್ ಕರ್ನಾಟಕ ರಾಜ್ಯೊದ ಪಾಕ ಕಡೆಟ್ ಏರ್ ಕ್ವಾಲಿಟಿಡ್ ಎಚ್ಚಿಕಮ್ಮಿ ಆವೊಂದೇ ಉಂಡು. ಕಾತ್ದ ಗುಣಮಟ್ಟ ಮಾತಾಕಡೆಟ್ಲಾ ಅನಾರೋಗ್ಯಕರ ಮಟ್ಟೊಡೇ ಉಂಡು. ಆಂಡ ಇನಿ ಒಡಿಪುದ ಏರ್ ಕ್ವಾಲಿಟಿ ತೂನಗ ನಿಜಕ್ಲಾ ಪೋಡಿಗೆ ಆಪಿಲೆಕ ಇತ್ತ್ಂಡ್. 100ರ್ದ್ 150ದ ಉಲಯಿ ಇತ್ತಿನ ಒಡಿಪುದ AQI ಇನಿ ಕಾಂಡೆ ಒರರ್ದ್ ಒರಾನೆ 200ತ ಗಡಿ ದಾಂಟ್ದಿನ ಸೋದ್ಯ ಆತ್ಂಡ್.
ಬೆಂಗಳೂರು ಸೇರ್ದ್ ಕರ್ನಾಟಕ ರಾಜ್ಯೊಡೊರ್ಮೆ ಗಾಳಿದ ಗುಣಮಟ್ಟ 150ರ್ದ್ಲಾ ಎಚ್ಚ ಉಂಡು. ಕೆಲ ದಿನೊಕು ದುಂಬು ಬಾರೀ ತೆಟ್ಟ್ ಮಟ್ಟೊಗು ಪೋದಿತ್ತಿನ ಬೆಂಗಳೂರ್ದ ಏರ್ ಕ್ವಾಲಿಟಿ ಇನಿ 158 ಗ್ ಎತ್ತ್ದ್ಂಡ್. ಕೆಲ ದಿನೊರ್ಗದು ತುಳುನಾಡ್ ಸೇರ್ದ್ ಪಾಕ ಜಿಲ್ಲೆಲೆನ ಏರ್ ಕ್ವಾಲಿಟಿ ಬಾರೀ ತೆಟ್ಟೊಂದು ಬಚದ್ಂಡ್. ಬೆಂಗಳೂರ್ದ AQI ನಲಾ ಆರೋಗ್ಯಗ್ ಮಾರಕವಾದೇ ಉಂಡು. ಕರಿನ ಕೆರ ದಿನೊತ ಮಟ್ಟ್ಗ್ ಒಂತೆ ಎಚ್ಚಿಕಮ್ಮಿ ತೂಂಡಲಾ, WHO ಮಾನದಂಡೊಲೆನ ಪ್ರಕಾರ ಈ ಮಟ್ಟೊದ ಗಾಳಿದ ಗುಣಮಟ್ಟ ಆರೋಗ್ಯಗ್ ಹಾನಿಕರಕ ಆದೇ ಉಂಡು.
ರಾಜ್ಯೊದ ಬೇತೆ ನಗರೊಲೆಡ್ ಇನಿತ ಗಾಳಿದ ಗುಣಮಟ್ಟ (Air Quality Index)
ಬೆಂಗಳೂರು –158
ಕುಡ್ಲ-160
ಮೈಸೂರು –147
ಬೆಳಗಾವಿ – 128
ಕಲಬುರ್ಗಿ-101
ಶಿವಮೊಗ್ಗ – 158
ಬಳ್ಳಾರಿ – 150
ಹುಬ್ಬಳ್ಳಿ- 134
ಒಡಿಪು –153
ವಿಜಯಪುರ –114
ಗಾಳಿ ಗುಣಮಟ್ಟ ತೆರಿಯೊನುನು ಎಂಚ?
ಉತ್ತಮ- 0-50
ಮಧ್ಯಮ – 50-100
ತೆಟ್ಟ್ – 100-150
ಅನಾರೋಗ್ಯಕರ – 150-200
ಗಂಭೀರ – 200 – 300
ಅಪಾಯಕಾರಿ – 300 -500+