Last updated on April 3rd, 2026 at 10:12 am
ಕಡಬ, ಏ. 03: ಕಂಟೇನರ್ ಗಾಡಿ ಒಂಜೆಟ್ ಅಕ್ರಮವಾದ್ ಪೆತ್ತೊಲೆನ್ ಕೊನೊವೊಂದಿತ್ತಿನ ಆರೋಪಿ ಒರಿಯನ್ ಕಡಬ ಪೋಲೀಸ್ ಸಬ್ ಇನ್ಸ್ಪೆಕ್ಟರ್ ಜಂಬೂರಾಜ್ ಮಹಾಜನ್ ಮುತಾಲಿಕೆದ ಪೊಲೀಸೆರೆ ಕೂಟ ಕೈದ್ ಮಲ್ದ್ಂಡ್.
ಕೈದಾತಿನ ಆರೋಪಿನ್ ಹೊಸೂರು ಮೂಲೊದ ಅಕ್ರಮ್ ಪಾಷಾ ಪನ್ದ್ ಗುರ್ತ ಪತ್ತ್ದೆರ್. ಶುಕ್ರವಾರ ಪುಲ್ಯಾನಗ ಹಾಸನರ್ದ್ ಕೇರಳ ದಂಚಿ ಕಂಟೇನರ್ ಗಾಡಿ ಒಂಜೆಟ್ ಅಕ್ರಮವಾದ್ ಪೆತ್ತೊಲೆನ್ ಕೊನೊವೊಂದುಪ್ಪುನ ಬಗೆಟ್ ಪತ್ತ ಒಲವು ಇತ್ತ್ದ್, ಗಾಡಿನ್ ಉಂತಾದ್ ಪೊಲೀಸೆರ್ ಒರಿಯನ್ ಕೈದ್ ಮಲ್ತಿತ್ತ್ದ್, ಕುಡೊರಿ ಆರೋಪಿ ಪದ್ರಾಡಾತೆ.
ಕಂಟೇನರ್ಡ್ ಸುಮಾರ್ 18 ಕೈಕಂಜಿಲೆನ್ ಅಮಾನುಷವಾದ್ ಕೊನೊಪುನ ತೋಜಿದ್ ಬೈದ್ಂಡ್. ಎಚ್ಚಿಗೆ ಒಲವುಗು ಕಾತೊಂದುಲ್ಲ.