Last updated on October 22nd, 2022 at 12:08 pm
ಕೇಂದ್ರ ಶಿಕ್ಷಣ ಸಚಿವೆರ್ ಧರ್ಮೇಂದ್ರ ಪ್ರಧಾನ್ ಗುರುವಾರ ಬುಡುಗಡೆ ಮಲ್ತಿನ ನ್ಯಾಷನಲ್ ಕರಿಕ್ಯುಲಮ್ ಫ್ರೇಮ್‌ವರ್ಕ್(NCF), 8 ವರ್ಸ ಪ್ರಾಯ ಮುಟ್ಟ ಜೋಕುಲೆಗ್ ಸರ್ಕಾರಿ ಬೊಕ್ಕ ಖಾಸಗಿ ಶಾಲೆಲೆಡ್ ಅಪ್ಪೆಬಾಸೆಡೇ ಪಾಠ ಮಲ್ಪೊಡು ಪಂದ್ ಶಿಫಾರಸ್ ಮಲ್ದ್ಂಡ್.
ಪೊಸ ಬಾಸೆ ಜೋಕುಲೆನ ಕಲ್ಪಟಿಗೆನ್ ಪಿರವು ಪಾಡುಂಡು. ಐಕ್ ಬೋಡಾದ್ ಸುರುಕು ಅಪ್ಪೆಬಾಸೆಡೇ ಶಾಲೆ ನಡಪೊಡು. ಇಂಗ್ಲೀಷ್‌ನ್ ರಡ್ಡನೇ ಬಾಸೆ ಆದ್ ದೆತೊನೊಲಿ ಪಂದ್‌ಲಾ ಪಂತ್ಂಡ್.
‘ಒಂಜಿ ಬಾಲೆಗ್ ಪೊಸ ಅತ್ತ್ಂಡ ಗೊತ್ತುದಾಂತಿ ಬಾಸೆಡ್ ಕಲ್ಪಾಯೆರ ಪೋಂಡ ಆ ಬಾಲೆದ ಮಿತ್ತ್ ಪರಿಣಾಮ ಆಪುಂಡು. ಪೊಸ ಬಾಸೆನ್ ಕಲ್ಪುನಗ ಬೇತೆ ಇಸಯೊಲೆಡ್ ಪಿರ ಬೂರುವೆರ್’ ಪಂದ್ ಈ ಫ್ರೇಮ್‌ವರ್ಕ್‌ಡ್ ಉಂಡು.
ಜೋಕುಲೆಗ್ ತನ್ಕುಲೆ ಅಪ್ಪೆಬಾಸೆಡೇ ತನ್ನ ಆಲೋಚನೆಲೆನ್, ಕಲ್ಪನೆಲೆನ್ ಪೊರ್ಲುಡ್, ಗಂತ್‌ಡ್, ಬರಸ್‌ಡ್ ಮನ್ಪೆರ ಸಾಧ್ಯ ಆಪುನೆರ್ದಾವರ ಮಾತ ಸರ್ಕಾರಿ ಬೊಕ್ಕ ಖಾಸಗಿ ಶಾಲೆಲೆಡ್ ಅಪ್ಪೆಬಾಸೆಡೇ ಪಾಠ ಮಲ್ಪೊಡು ಪಂದ್ ತೆರಿಪಾದೆರ್.