Last updated on April 9th, 2026 at 10:51 am
ಕುಡ್ಲ, ಏ. 09: ಪೇಂಟೆದ ಮೀನುಗಾರಿಕಾ ಬಂದರ್ದ ಕೈತಲ್ ಇಪ್ಪುನ ಸುದೆಟ್ ಕೋಡೆ ಬುಧವಾರ ಆಂಜೊವು ಒರಿಯನ ಪುನ ತಿಕ್ಕ್ದಿತ್ತ್ದ್, ಕೆರ್ದಿಪ್ಪೊಡು ಪನ್ಪಿ ಶಂಕೆ ತೋಜಿದ್ ಬೈದ್ಂಡ್.
ತೀರ್ದಿನಾರೆನ್ ಬೆಂಗ್ರೆ ನಿವಾಸಿ ಮೊಹಿದ್ದೀನ್ ನಾಸಿರ್ (50) ಪನ್ದ್ ಗುರ್ತ ಪತ್ತ್ದೆರ್
ಸುದೆತ ಕರೆಟ್ ನೀರ್ಡ್ ಪುನ ತಿಕ್ಕ್ದಿತ್ತ್ದ್, ಸರ್ರೊದ ಮಿತ್ತ್ ಗಡಿಕುಲಾತಿನ ಗುರ್ತ ತೋಜಿದ್ ಬೈದ್ಂಡ್. ಏರೋ ಮೆರೆಗ್ ಆಕ್ದ್ ಕೆರ್ತೆರ್ ಪನ್ಪಿ ಅನುಮಾನ ತೋಜಿದ್ ಬೈದ್ಂಡ್. ಈ ಬಗೆಟ್ ಪೊಲೀಸೆರ್ ಕೊಲೆ ಪ್ರಕರಣ ದಾಕಲ್ತೊಂದೆರ್.
ಮೊಬೈಲ್ ಫೋನ್ ವಿವಾದೊನೇ ನೆವನನಾ?
ದಕ್ಕ್ದ್ ಪೋತಿನ ಮೊಬೈಲ್ ಫೋನ್ ಒಂಜೆತ ಬಗೆಟ್ ಉತ್ತರ ಕರ್ನಾಟಕ ಮೂಲೊದ ಒಂತೆ ಜನೊಕುಲು ಬಂದರ್ ಪ್ರದೇಶೊಡೆ ವಿಚಾರಣೆ ಮಲ್ತೊಂದಿತ್ತೆರ್ ಪನ್ದ್ ನೆಟೆದಕುಲು ಒಲವು ಕೊರ್ತೆರ್. ಅಂಚಾದ್, ಮೊಬೈಲ್ ಫೋನ್ ವಿಚಾರೊಡು ಈ ಕೊಲೆ ನಡತ್ದ್ಂಡಾ ಪನ್ಪಿ ದೃಷ್ಟಿಕೋನೊಡು ಜಡ್ತೆ ಮಲ್ತೊಂದುಲ್ಲ ಪನ್ದ್ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ತೆರಿಪಾದೆರ್.