Last updated on April 14th, 2026 at 03:16 pm
ಕಾರ್ಲ, ಏ. 14: ನಿಟ್ಟೆ ಕೈತಲ್ದ ಬೋರ್ಗಲ್ಲಗುಡ್ಡೆ ಪನ್ಪಿನಲ್ಪ ಗಟನೆದಾಂತಿನ ಗೂವೆಲ್ಗ್ ಬೂರ್ದಿತ್ತಿನ ಚಿಟ್ಟಪಿಲಿನ್ ಅರಣ್ಯ ಇಲಾಖೆದ ಸಿಬ್ಬಂದಿಲು ಕಾರ್ಯಾಚರಣೆ ಮಲ್ತ್ದ್ ರಕ್ಷಣೆ ಮಲ್ತ್ದೆರ್.
ತಿನರೆ ದಾಲ ತಿಕ್ಕುಂಡಾಂದ್ ನಾಡೊಂದು ಬೈದಿನ ಚಿಟ್ಟೆಪಿಲಿ, ಕತ್ತಲೆಡ್ ಗೂವೆಲ್ ಇಪ್ಪುನ ತೆರಿಯಂದೆ ಸೀದಾ ಉಲಯಿ ಬೂರ್ದುಂಡುಗೆ. ಅಂಗಾರೆ ಕಾಂಡೆ ಗೂವೆಲ್ದುಲಯಿ ಚಿಟ್ಟೆಪಿಲಿ ಇಪ್ಪುನೆನ್ ತೂಯಿನ ಮುಲ್ಪದಕುಲು ಅಪಗನೇ ಅರಣ್ಯ ಇಲಾಖೆದ ಅಧಿಕಾರಿಲೆಗ್ ಒಲವು ಕೊರ್ತೆರ್.
ಒಲವು ತಿಕ್ಕಿನೇ ಕುಂದಾಪುರ ಉಪ ಅರಣ್ಯ ಸಂರಕ್ಷಣಾಧಿಕಾರಿ ರುತ್ರನ್ ಬೊಕ್ಕ ಎಸಿಎಫ್ ಪಿ. ಶ್ರೀಧರ್ ಮೊಕಲೆನ ಮಾರ್ಗದರ್ಶನೊಡು ವಿಶೇಷ ಕೂಟ ಜಾಗೆಗ್ ಬತ್ತ್ಂಡ್. ಕಾರ್ಲ ವಲಯ ಅರಣ್ಯಾಧಿಕಾರಿ ಪ್ರಭಾಕರ್ ಕುಲಾಲ್ ಮುತಾಲಿಕೆಡ್ ಉಪ ವಲಯ ಅರಣ್ಯಾಧಿಕಾರಿ ಹುಕ್ರಪ್ಪೆರ್, ಗಸ್ತು ಅರಣ್ಯಪಾಲಕೆ ಸುರೇಶ್ ಬೊಕ್ಕ ಕೂಟ, ಕಡೆಂಚಿಲ್ ಬೊಕ್ಕ ಬಲ್ಲ್ದ ಸಕಾಯೊಡು ಬಾರೀ ಜಾಗೃತೆಡ್ ಕಾರ್ಯಾಚರಣೆ ಮಲ್ತೆರ್. ಈ ಪೊರ್ತುಡು ಕೈತಲ್ದಕುಲಾಯಿನ ಚಂದ್ರಕಾಂತ್ ಕರುಣಾಕರ್ ಬೊಕ್ಕ ಬೇತೆಕ್ಲು ಇಲಾಖೆದ ಒಟ್ಟುಗು ಕೈ ಗೋಡ್ಯಾಯೆರ್. “ರಕ್ಷಣೆ ಮಲ್ದಿನ ಚಿಟ್ಟೆಪಿಲಿ ಆರೋಗ್ಯವಾದಿತ್ತ್ದ್, ಒವ್ವೇ ಗಡಿಕುಲಾತಿಜ. ದುಂಬೆಚ್ಚರ್ಗೆದ ಕ್ರಮ ಆದ್ ವೈದ್ಯಕೀಯ ತಪಾಸಣೆ ಮಲ್ತಿತ್ತ್ದ್, ನನ ಇಂದೆನ್ ಕಾಡ್ಗ್ ಬುಡ್ಪ,” ಪನ್ದ್ ಅರಣ್ಯಾಧಿಕಾರಿಲು ತೆರಿಪಾದೆರ್.