Last updated on May 6th, 2026 at 09:42 am
ಬೆಂಗಳೂರ್, ಮೇ 06: ಸಚಿವೆ ಬಿ.ಜೆಡ್. ಜಮೀರ್ ಅಹ್ಮದ್ ಖಾನ್ ಮೆರೆನ ಇಲ್ಲಡ್ ನಡತಿತ್ತಿನ ಮಲ್ಲ ಪ್ರಮಾಣೊದ ಪದ್ದೈ ಬಂಗಾರ್ ಕಲ್ವೆದ ಪ್ರಕರಣೊಡು ಶಿವಾಜಿನಗರ ಪೊಲೀಸೆರ್ ಇರ್ವೆರೆನ್ ಕೈದ್ ಮಲ್ತ್ದೆರ್.
ಅಮೀರ್ ಅಹ್ಮದ್, ಅವೀನ್ ಕೈದಾತಿನ ಆರೋಪಿಲು. ಸಚಿವೆ ಜಮೀರ್ನ ಇಲ್ಲಡ್ ಕರಿನ ಮೂಜಿ ವರ್ಸೊರ್ದಿಂಚಿ ಒಂತೆ ಒಂತೆನೇ ಪನ್ದ್ ಕೋಟಿ ಮೌಲ್ಯೊದ ಬಂಗಾರ್ ಲಕ್ಕಾದೆರ್. ಜಮೀರ್ ಆರೋಗ್ಯ ವಿಚಾರಣೆ ಮಲ್ಪುನ ನೆವನೊಡು ಗಡೀ ಗಡಿ ಇಲ್ಲಗ್ ಬರೊಂದಿತ್ತಿನ ಅಮೀರ್ 2023 ರ್ದ್ ನಿರಂತರವಾದ್ 1 ಕೆಜಿ 200 ಗ್ರಾಂ ಬಂಗಾರ್ ಲಕ್ಕಾದೆ.
ಟ್ರಾವೆಲ್ಸ್ ಬ್ಯುಸಿನೆಸ್ಡ್ ಲಾಸ್ ಆತಿನೆಕ್ ಈ ಬೇಲೆ ಮಲ್ತ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಆ ಕಾಸ್ನ್ ರಿಯಲ್ ಎಸ್ಟೇಟ್ಡ್ ಪಾಡ್ದ್ ಲಾಭ ಮಲ್ತೊನರೆ ಪ್ಲ್ಯಾನ್ ಪಾಡ್ದಿತ್ತೆರ್. ಆಂಡ ಕಾಲ್ ಮಲ್ಪುನಗ ರಿಸೀವ್ ಮಲ್ಪಂದಿನೆಟ್ ಇರ್ವೆರೆ ಮಿತ್ತ್ ಅನುಮಾನ ಬತ್ತ್ದ್, ಬೊಕ್ಕ ಪೊಲೀಸೆರ್ ವಿಚಾರಣೆ ಮಲ್ಪುನಗ ಮಾತಾ ಬಾಯಿ ಬುಡ್ತೆರ್. ಜಮೀರ್ ಅಹ್ಮದ್ನ ಅಪ್ಪೆ ಬರೆಪಾದಿನ ಒಯಿಲ್ದ ಪ್ರಕಾರ ಶಿವಾಜಿನಗರ ಪೊಲೀಸೆರ್ ಜಡ್ತೆ ಮಲ್ತ್ದ್ ಇರ್ವೆರೆನ್ ಕೈದ್ ಮಲ್ತ್ದೆರ್.