Last updated on May 7th, 2026 at 07:26 am
ಕೋಟ, ಮೇ 06: ನೀಟ್ ಪರೀಕ್ಷೆಡ್ ಕಮ್ಮಿ ಮಾರ್ಕ್ ಬರ್ಪುನ ಪೋಡಿಗೆಡ್ ಇಲ್ಲ್ ಬುಡ್ದು ಪೋದಿತ್ತಿನ ಕೋಟದ ಆಣನ್ ಕೋಟ ಪೊಲೀಸೆರ್ ಹಾಸನ ಜಿಲ್ಲೆದ ಸಕಲೇಶಪುರಡ್ ನಾಡ್ ಪತ್ತ್ದೆರ್.
ಅಭಿಷೇಕ್ ಪನ್ಪಿ ವಿದ್ಯಾರ್ಥಿ ಮೇ 3ತಾನಿ ನೀಟ್ ಪರೀಕ್ಷೆ ಬರೆದಿತ್ತೆ. ಸೋಮವಾರ ಮಧ್ಯಾಹ್ನ ಅಪ್ಪೆಗ್ ಫೋನ್ ಮಲ್ತ್ದ್ ಮಣಿಪಾಲಗ್ ಪೋಪೆ ಪನ್ದ್ ತೆರಿಪಾದ್ ಇಲ್ಲರ್ದ್ ಪೋದಿತ್ತಿನ ಆಯೆ, ಬಯ್ಯ ಆಂಡಲಾ ಪಿರ ಬೈದಿಜ್ಜಂಡ್. ಅಪ್ಪೆಅಮ್ಮೆ ನಾಡ್ನಗ ಇಲ್ಲಡ್ ಒಂಜಿ ಓಲೆ ತಿಕ್ಕ್ದಿತ್ತ್ದ್, ಅವೆಟ್ ನೀಟ್ ಪರೀಕ್ಷೆಡ್ ಕಮ್ಮಿ ಮಾರ್ಕ್ ಬರ್ಪುನ ಪೋಡಿಗೆಡ್ ಇಲ್ಲ್ ಬುಡ್ದು ಪೋವೊಂದುಲ್ಲೆ ಪನ್ದ್ ಅಭಿಷೇಕ್ ಬರೆದಿತ್ತೆ.
ಪೋಡಿನ ಪೋಷಕೆರ್ ಅಪಗನೇ ಕೋಟ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಒಯಿಲ್ ದಾಕಲ್ತೊಂಡಿನ ಪೊಲೀಸೆರ್ ಜಡ್ತೆ ಮಲ್ತ್ದ್, ಆಣ್ ಪೋತಿನ ಸಾದಿ ನಾಡ್ದ್ ಅಕೇರಿಗ್ ಸಕಲೇಶಪುರಡ್ ಆಯನ್ ನಾಡ್ಪತ್ತ್ದ್ ಇಲ್ಲದಕ್ಲೆಗ್ ಒಪ್ಯಾದೆರ್.