Last updated on May 13th, 2026 at 08:13 am
ಬೆಂಗಳೂರ್, ಮೇ 13: ಪಾಕ ವರ್ಸೊರ್ದಿಂಚಿ ಚಿತ್ರರಂಗೊಡು ಸಕ್ರಿಯೆರಾದಿತ್ತಿನ ಪುಗರ್ತೆದ ನಟೆ ದಿಲೀಪ್ ರಾಜ್ (Dileep Raj) ಮೇರ್ ತೀರ್ಯೆರ್. ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್ ಪನ್ದ್ ಒಲವು ತಿಕ್ಕ್ದ್ಂಡ್. ಇಲ್ಲಡೇ ದಿಲೀಪ್ ರೆಗ್ ಹಾರ್ಟ್ ಅಟ್ಯಾಕ್ (Heart Attack) ಆತ್ಂಡ್. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡಲಾ ಆರೆನ್ ಬದ್ಕಾಯೆರೆ ಆತಿಜಿ. ದಿಲೀಪ್ ರಾಜ್ನ ಅಗಪುಗು ಚಿತ್ರರಂಗೊದಕುಲು ಬೊಕ್ಕ ಅಭಿಮಾನಿಲು ಸಂತಾಪ ತೂಪಾದೆರ್.
‘ಮಿಲನ’, ‘ಯು ಟರ್ನ್’, ‘ಆರ್ಕೆಸ್ಟ್ರಾ ಮೈಸೂರು’, ‘ನಿಮ್ಮ ವಸ್ತುಗಳಿಗೆ ನೀವೇ ಜವಾಬ್ದಾರರು’ ಸೇರ್ದ್ ಪಾಕ ಪಿಚ್ಚರ್ಲೆಡ್ ದಿಲೀಪ್ ರಾಜ್ ನಟನೆ ಮಲ್ತ್ದೆರ್. ಸಿನಿಮಾ ಮಾತ್ರ ಅತ್ತಂದೆ ಕಿರುತೆರೆಡ್ಲಾ ಆರ್ ಸಕ್ರಿಯೆರಾದಿತ್ತೆರ್. ‘ಹಿಟ್ಲರ್ ಕಲ್ಯಾಣ’ ಧಾರಾವಾಹಿಡ್ ಆರ್ ನಟನೆ ಮಲ್ತ್ದೆರ್. ‘ಪಾರು’, ‘ನಾ ನಿನ್ನ ಬಿಡಲಾರೆ’ ಧಾರಾವಾಹಿಲೆನ್ ಆರ್ ನಿರ್ಮಾಣ ಮಲ್ತ್ದೆರ್.
ದಿಲೀಪ್ ರಾಜ್ರೆನ ಅಗಪುಗು ಪೆರಿಯ ನಟೆ ದೊಡ್ಡಣ್ಣೆ ಸಂತಾಪ ತೂಪಾದೆರ್. ‘ದಿಲೀಪ್ ರಾಜ್ರೆನ ಅಮ್ಮೆರ್ ಹೆಚ್.ಎಂ. ಶಿವರುದ್ರಪ್ಪೆರ್ ಮೂಲತಃ ಅರಸಿಕೆರೆದಾರ್. ಎನ್ನ ಪಲಯೆ ಬೊಕ್ಕ ಆರ್ ಒಟ್ಟುಗು ಓದಿನಕುಲು. ದಿಲೀಪ್ ರಾಜ್ ತೀರ್ದಿನ ಸುದ್ದಿ ಕೇನ್ದ್ ಎಂಕ್ ಬಾರೀ ಶಾಕ್ ಆಂಡ್’ ಪನ್ದ್ ನಟೆ ದೊಡ್ಡಣ್ಣೆ ಪನ್ಡೆರ್.