Last updated on May 15th, 2026 at 07:59 am
ಒಡಿಪು, ಮೇ 15: ರಾಷ್ಟ್ರೀಯ ಪೆರ್ಸಾದಿ-66ತ ಅರಾಟೆ ಸಂಕೊದ ಕೈತಲ್ ಗುರುವಾರ ಬಯ್ಯಡ್ ತೆಡಿಲ್ ಆಕ್ದ್ ಕಾರ್ಮಿಕೆ ಒರಿ ತೀರ್ದಿನ ದಾರುಣ ನಡಕೆ ನಡತ್ದ್ಂಡ್.
ಪಂಜಾಬ್ ಮೂಲೊದ ಕಾರ್ಮಿಕೆ ಅಶುತೋಷ್ (35) ತೀರ್ದಿನಾರ್. ಕುಡೊರಿ ಕಾರ್ಮಿಕೆ ಲವಜೋತ್ ಸಿಂಗ್ (28) ಗಡಿಕುಲಾದ್ ಆಸ್ಪತ್ರೆಗ್ ದಾಕಲಾತೆರ್. ಅರಾಟೆ ಪರ ಸಂಕೊದ ರಿಪೇರಿ ಬೇಲೆ ಕೆಲ ದಿನೊರ್ದಿಂಚಿ ನಡತೊಂದಿತ್ತ್ದ್, ಗುರುವಾರ ಬಯ್ಯಡ್ ಪಂಜಾಬ್ ಮೂಲೊದ ಕಾರ್ಮಿಕೆರ್ ಬೇಲೆಡ್ ಇಪ್ಪುನಗ ಈ ನಡಕೆ ನಡತ್ದ್ಂಡ್.
ಬಯ್ಯದ ಪೊರ್ತುಡು ತೆಡಿಲ್-ಮೆಂಚಿದ ಅಟ್ಟುಗು ಬಾರೀ ಬರ್ಸ ಬತ್ತಿತ್ತ್ದ್, ತೆಗಿಲ್ ಆಕಿನೆರ್ದಾವರ ಇರ್ವೆರ್ ಕಾರ್ಮಿಕೆರೆಗ್ ಗಾತಿದ ಗಡಿಕುಲಾತ. ಅಪಗನೇ ಅಕಲೆನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಅಶುತೋಷ್ ಸಾದಿ ನಡುಟೇ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಗಡಿಕುಲಾತಿನ ಲವಜೋತ್ ಸಿಂಗ್ ಮೆರೆನ್ ಕುಂದಾಪುರ ಸರ್ಕಾರಿ ಆಸ್ಪತ್ರೆಗ್ ದಾಕಲ್ತ್ದ್, ಮರ್ದ್ ಮಲ್ತೊಂದುಲ್ಲೆರ್.