Last updated on May 26th, 2026 at 04:02 pm
ಪುತ್ತೂರ್, ಮೇ. 26: ನಿಡ್ಪಳ್ಳಿ ಗ್ರಾಮೊದ ಬೋಳುಂಬುಡೆಡ್ ಕರೆಂಟ್ ಶಾಕ್ ಆಕ್ದ್ ನೆಲಕ್ ಬೂರ್ದ್ ಬೇಲೂರ್ ಮೂಲೊದ ಜವನೆ ಒರಿ ತೀರ್ದಿನ ನಡಕೆ ಮೇ 24ತ ರಾತ್ರೆ ನಡತ್ದ್ಂಡ್.
ಬೇಲೂರ್ದ ಅಂಕಿಹಳ್ಳಿ ನಿವಾಸಿ ಜೋಕಿಂ ಪಿಂಟೋ ಮೆರೆನ ಮಗೆ ರೋಶನ್ ಪಿಂಟೋ (29) ತೀರ್ದಿನ ಜವನೆ.
ಜೋಕಿಂ ಮೆರೆನ ಬೊಡೆದಿ ಇರ್ವೆರ್ ಜೋಕುಲೆನ ಒಟ್ಟುಗು ಆರೆನ ಇಲ್ಲ್ ನಿಡ್ಪಳ್ಳಿದ ಬೋಳುಂಬುಡೆಗ್ ಬತ್ತಿತ್ತೆರ್. ರೋಶನ್ ರಾತ್ರೆ ಮೀದ್ ಕುಂಟು ಅರ್ದುನಡೆ ಪೋನಗ ಅಲ್ಪ ಇತ್ತಿನ ಕರೆಂಟ್ ವಯರ್ ರ್ದ್ ಶಾಕ್ ಆಕ್ದ್ ನೆಲಕ್ ಬೂರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಗಾತಿದ ಗಡಿಕುಲಾತಿನ ಆರೆನ್ ಪುತ್ತೂರ್ ಸರ್ಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್, ಪರೀಕ್ಷೆ ಮಲ್ತಿನ ಡಾಕ್ಟರ್ ಆರ್ ತೀರ್ದೆರ್ ಪನ್ದ್ ತೆರಿಪಾದೆರ್.
ರೋಶನ್ ಪಿದಯಿ ದೇಶೊಡು ಬೇಲೆಡ್ ಇತ್ತ್ದ್, ರಜೆಟ್ ಊರ್ಗ್ ಬತ್ತಿತ್ತೆರ್.