Last updated on June 1st, 2026 at 04:06 pm
ಬೋಲ್ತೇರ್, ಜೂ. 01: ತಾಲೂಕ್ದ ಕುವೆಟ್ಟು ಗ್ರಾಮ ಪಂಚಾಯತ್ ಸೀಮೆದ ಗುರುವಾಯನಕೆರೆ ಕೈತಲ್ ಜೂ.1ತಾನಿ ಕಾಂಡೆ ತಿಕ್ಕಿನ ಅಪರಿಚಿತ ಪುನೊತ ಗುರ್ತ ಪತ್ತ್ದೆರ್.
ತೀರ್ದಿನ ಜವನನ್ ಪೆರ್ನೆದ ದಿ. ಕೂಸಪ್ಪ ಗೌಡ ಬೊಕ್ಕ ಪದ್ಮಾವತಿ ದಂಪತಿಲೆನ ರಡ್ಡನೇ ಮಗೆ ಯತೀಶ್ ಗೌಡ (32) ಪನ್ದ್ ಗುರ್ತ ಪತ್ತ್ದೆರ್.
ಮೆರೆನ್ ಕೆರ್ತೆರ್ ಪನ್ಪಿ ಸಂಶಯ ತೋಜಿದ್ ಬತ್ತಿತ್ತ್ದ್ ಪೊಲೀಸ್ ಜಡ್ತೆ ಮಲ್ತೊಂದುಲ್ಲೆರ್. ವೆಲ್ಡಿಂಗ್ ಬೇಲೆ ಮಲ್ತೊಂದಿತ್ತಿನ ಯತೀಶ್ ಅಪಗಪಗ ಇಲ್ಲ್ ಬುಡ್ದು ಪೋವೊಂದಿತ್ತೆರ್. ಕರಿನ ರಡ್ಡ್ ತಿಂಗೊಲುಗು ದುಂಬು ಇಲ್ಲ್ ಬುಡ್ದು ಪೋದಿತ್ತಿನ ಆರೆನ ಒಲವು ಇಲ್ಲದಕಲೆಗ್ ಇಜ್ಜಂಡ್. ಇತ್ತೆ ಆರೆನ ಪುನ ಗುರುವಾಯನಕೆರೆದ ಶ್ರೀದೇವಿ ಹಾರ್ಡ್ವೇರ್ದ ಕೈತಲ್ ತಿಕ್ಕ್ದ್ಂಡ್.
ಪುನ ತಿಕ್ಕಿಬೊಕ್ಕ ಅಡೆಗ್ ಬತ್ತಿನ ಇಲ್ಲದಕುಲು ಆರೆನ ಗುರ್ತ ಪತ್ತ್ದೆರ್. ಯತೀಶೆರೆಗ್ ಏರೋ ಆಕ್ದೆರ್ ಪನ್ದ್ ಇಲ್ಲದಕಲೆಗ್ ಸಂಶಯ ಉಂಡು. ಅನುಮಾನಾಸ್ಪದ ಸಾವು ಪನ್ದ್ ಬೋಲ್ತೇರ್ ಸ್ಟೇಶನ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್. ಯತೀಶ್ ಗೌಡ್ರೆಗ್ ಆಕ್ದ್ ಕೆರ್ತೆರ್ ಪನ್ದ್ ಸಂಶಯ ತೋಜಿದ್ ಬತ್ತಿತ್ತ್ದ್, ಪೊಲೀಸೆರ್ ಮೂವೆರೆನ್ ಉಲಕೈ ಮಲ್ತೊಂದೆರ್ ಪನ್ದ್ ಒಲವು ತಿಕ್ಕ್ದ್ಂಡ್.