ಡಿಕೆ ಶಿವಕುಮಾರ್ ಸಿಎಂ, ಪರಮೇಶ್ವರ್-ಡಿಸಿಎಂ: ಮುಲ್ಪ ಉಂಡು ಪೊಸ ಸಚಿವೆರೆನ ಅಧಿಕೃತ ಲಿಸ್ಟ್

Last updated on June 3rd, 2026 at 04:20 pm

ಬೆಂಗಳೂರ್, (ಜೂನ್ 03): ಡಿಕೆ ಶಿವಕುಮಾರ್ (DK Shivakumar) ಮೇರ್ ಕರ್ನಾಟಕೊದ ಪೊಸ ಮುಖ್ಯಮಂತ್ರಿಯಾದ್ ಪ್ರಮಾಣವಚನ ಗೆತೊನೊಂದಿತ್ತ್‌ದ್, ಆರೆನ ಒಟ್ಟುಗು ಒರಿನ 13 ಶಾಸಕೆರ್ ಸಚಿವೆರಾದ್ ಪ್ರಮಾಣ ವಚನ ಗೆತೊನ್ರ ಉಲ್ಲೆರ್. ಐಟ್‌ಲಾ ಮುಖ್ಯವಾದ್ ಡಾ. ಜಿ.ಪರಮೇಶ್ವರ್ ಮೇರ್ ಒರಿಯೇ ಉಪಮುಖ್ಯಮಂತ್ರಿಯಾದ್ ಪ್ರದಗ್ರಹಣ ಮಲ್ಪರೆ ಉಲ್ಲೆರ್. ಮೂಜಿ ಡಿಸಿಎಂ ಪಟ್ಟ ಬೋಡು ಪನ್ದ್ ರಾಜ್ಯ ನಾಯಕೆರ್ ಕೇನ್ದಿತ್ತೆರ್. ಆಂಡ, ಹೈಕಮಾಂಡ್ ಇಂದೆಕ್ ಬ್ರೇಕ್ ಪಾಡ್ದಿತ್ತ್‌ದ್, ದಲಿತೆ ಪರಮೇಶ್ವರ್‌ರೆನ್ ಮಾತ್ರ ಡಿಸಿಎಂ ಮಲ್ಪೆರ ಗ್ರೀನ್ ಸಿಗ್ನಲ್ ಕೊರ್ತುಂಡು. ಒರಿನ 12 ಶಾಸಕೆರ್ ಸಚಿವೆರಾದ್ ಅಧಿಕಾರ ಸ್ವೀಕಾರ ಮಲ್ಪರೆ ಉಲ್ಲೆರ್.

ಡಿ.ಕೆ.ಶಿವಕುಮಾರ್ -ಸಿಎಂ, ಡಾ.ಜಿ.ಪರಮೇಶ್ವರ್-ಡಿಸಿಎಂ, ಸತೀಶ್ ಜಾರಕಿಹೊಳಿ, ಕೆ.ಹೆಚ್.ಮುನಿಯಪ್ಪೆ, ಪ್ರಿಯಾಂಕ್ ಖರ್ಗೆ, ಕೃಷ್ಣ ಭೈರೇಗೌಡೆ, ಯು.ಟಿ.ಖಾದರ್, ಡಾ.ಯತೀಂದ್ರ ಸಿದ್ದರಾಮಯ್ಯೆ, ಎಂ.ಬಿ.ಪಾಟೀಲ್, ಕೆ.ಜೆ.ಜಾರ್ಜ್, ರಾಮಲಿಂಗಾರೆಡ್ಡಿ, ಈಶ್ವರ್ ಖಂಡ್ರೆ, ಭೈರತಿ ಸುರೇಶ್, ಶರಣಪ್ರಕಾಶ್ ಪಾಟೀಲ್ ಮೊಕಲೆನ ಪುದರ್ ಸುರುತ ಪಟ್ಟಿಡ್ ಉಂಡು.

ಒಕ್ಕಲಿಗೆರೆನ ಕೋಟಾಡ್ ಡಿ.ಕೆ.ಶಿವಕುಮಾರ್ ಸೇರ್ದ್ ಮೂವೆರೆಗೆಯ್ ಜಾಗೆ ತಿಕ್ಕ್‌ದಿತ್ತ್ಂಡ, ಲಿಂಗಾಯತ ಕೋಟಾಡ್ ಮೂಜಿ, ದಲಿತ ಕೋಟಾಡ್ ಪರಮೇಶ್ವರ್ ಸೇರ್ದ್ ಮೂಜಿ ಜನ, ಕುರುಬ ಸಮುದಾಯಡ್ ಇರ್ವೆರೆಗ್ ಸಚಿವ ಸ್ಥಾನ ಪಟ್ಟ್‌ದೆರ್. ನನ ಎಸ್‌ಟಿ, ಮುಸ್ಲಿಮ್, ಕ್ರಿಶ್ಚಿಯನ್ ಕೋಟಾಡ್ ಒಂಜೊಂಜಿ ಸ್ಥಾನ ಕೊರ್ತೆರ್.