Last updated on June 4th, 2026 at 08:30 am
ಒಡಿಪು, ಜೂ. 04: ಆಕಸ್ಮಿಕವಾದ್ ಉಗ್ಗೆಲ್ಗ್ ಬೂರ್ದಿನ ದಂಪತಿನ್ ರಕ್ಷಣೆ ಮಲ್ದಿನ ನಡಕೆ ಕೋಡೆ ಕಾಂಡೆ ಕೆಮ್ಮಣ್ಣ್ ಸರಕಾರಿ ಪದವಿ ಪೂರ್ವ ಕಾಲೇಜ್ದ ಕೈತಲ್ ನಡತ್ದ್ಂಡ್.
ಕೆಮ್ಮಣ್ಣ್ ನಿವಾಸಿ ಗೋಪಾಲಕೃಷ್ಣ(65) ಬೊಕ್ಕ ಶ್ಯಾಮಲಾ(60) ಉಗ್ಗೆಲ್ಗ್ ಬೂರ್ದಿನ ದಂಪತಿ. ಶ್ಯಾಮಲಾ ಇಲ್ಲ ಕೈತಲ್ದ ಉಗ್ಗೆಲ್ದ ಬರಿಟೆ ಪೋನಗ ತತ್ತ್ದ್ ಉಗ್ಗೆಲ್ಗ್ ಬೂರ್ದೆರ್ಗೆ.
ಇಂದೆನ್ ತೂಯಿನ ಆರೆನ ಕಂಡನೆ ಗೋಪಾಲಕೃಷ್ಣೆರ್ ಬೊಡೆದಿನ್ ಕಾಪೆರ ಉಗ್ಗೆಲ್ಗ್ ಲಾಗಿದೆರ್ ಪನ್ದ್ ತೆರಿದ್ ಬೈದ್ಂಡ್. ಅಪಗನೇ ಇಸಯ ತೆರಿದ್ ಜಾಗೆಗ್ ಬತ್ತಿನ ಈಶ್ವರ ಮಲ್ಪೆ ಬೊಕ್ಕ ಅಗ್ನಿಶಾಮಕ ದಳೊದ ಸಿಬ್ಬಂದಿ, ಉಗ್ಗೆಲ್ಗ್ ಬೂರ್ದಿನ ಕಂಡನೆ-ಬೊಡೆದಿನ್ ಬಲ್ಲ್ಡ್ ಮಿತ್ತ್ ಒಯ್ತ್ದೆರ್
ಬಾರೀ ಅಸ್ವಸ್ಥ ಆತಿನ ದಂಪತಿನ್ ಮಣಿಪಾಲ ಆಸ್ಪತ್ರೆಗ್ ದಾಕಲ್ತ್ದೆರ್. ಜಾಗೆಗ್ ಮಲ್ಪೆ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.